Eri ukab’ resaxik awan ichaj ri’ katajin na uterenb’exik pa le tinamit rech San Marcos chi’ k’u ri’ xb’antaj wi resaxik pa taq nik’aj ri tinamit rech Tejutla xuquje’ pa Concepción Tutuapa, pa oxib’ chik resaxik chik are katajin resaxik 9 millones 500 mil raqan ichak rech amapola xuquje’ 11 mil 400 raqan ichaj marihuana ri’.

Pa taq le tinamit ri’ xkoj wi ri ya’olchajinik rech resaxik le awan raqan ichaj ri’, rumal ri’ k’a pa nimaq’ab’ pa kiwokajil xe’opan k’ut ri e ajchajil tinamit (PNC) ri Subdirección General rech Análisis rech Q’axaltzijol Antinarcótica (SGAIA), e tob’am kumal rajchak eqa’lenelab’ ri División rech Fuerzas Especiales (DIFEP), ri División rech Desactivación rech Armas xuquje’ Explosivos (DIDAE), ri Fuerzas rech Tarea xuquje’ rajchak ri Salud Pública, xe’opan k’ut che resaxik ri amapola xuquje’ ri marihuana pa taq ri Aldeas Lacandón Grande xuquje’ pa San Sebastián, pa Caserío El Porvenir xuquje’ pa Las Nubes rech ri tinamit rech Concepción Tutuapa; xuquje’ pa taq ri  Aldeas El Inmortal, La Libertad, Quipambe xuquje’ pa San Isidro rech municipio rech Tejutla.

Eri ya’olchajinem tzukunik ri’ are xb’antajik pa le 14 k’a pa le 16 rech junio are chi’ xqupixik 15.74 hectáreas ruk’ 9 millones 643 mil 431 raqan taq amapola, ri rajil pa ronojel Q240 millones 635 mil 775.00 y 11 mil 480 raqan ichaj rech marihuana ri rajil pa ronojel are Q. 4 millones 305 mil ri’.

Ruk’ ri ya’olchajinik rech uqupixik ri awan ichaj ri’ eri División Especializada rech Investigación Criminal (DEIC), xuchap pa tinamti ri’ rech ri Aldea San Sebastián keb’ winaq kab’ixik eri kimak are releq’axik winaq ri’.

Eri xechapatajik ri’ xch’ob’otaj kuwach e are a Tadeo Domingo López  Méndez  37 ujunab’ ri’ xuquje’ a Arnulfo López Gómez  59 ujunab’ ri’, kab’ixik xechapik rumal jeri’ xutaq ri q’atb’altzij ri’.

COMPARTIR