Eri Rivas Lara, k’o jun utzalaj komon ya’olchajinik xub’an chi ke ri winaqilal ri’

154

Ruk’ jun nimalaj nimab’al ib’ xuquje’ ri utob’anik xya’taj che pa amaq’el ri’, chi ke ri Wokajil Ajchajil Tinamit ri xya’ che pa le Ministerio rech Gobernación Francisc Rivas Lara xuquje’ che ri Viceministro rech Ya’olchajinik Ricardo Guzmán Loyo, pa le K’amow ub’e ri Wokajil rech ri PNC ri’, chi’ k’u ri’ xe’opan wiri’ che rilik che ub’anik pa komon ri ya’olchajinik xya’taj ri’ xuquje’ chi’ xakijach’ wiri’ ri jun ub’ixikil rech ri chak patan xkib’an pa taq ri jalajoj taq uwokajil e ajchajil tinamit ri’, pa le ya’olchajinik kub’sib’al k’u’x chi ke ri winaq e ajtoq’il chomanik ri’, pa le Nimcholb’inik xb’an pa le 20 rech septiembre ri’.

Maltyox b’a’ che ri chak uterenb’exik pa no’jb’anikil pa uq’ijol rumal ri PNC ri’ ri xk’ulmataj we kamik ri’, rumal ri’ eri taqawokajnel rech ri Ya’olchajinik pa Amaq’ ri’ chi’ k’u ri’ xil wi che ri kichak kipatan xkib’an ri e ajchajil tinamit ri’ are pa jikomal joreaml xb’antaj ri’ jacha’ ri xya’taj ub’ixik chi ke kakinimaj pa le ub’anikil ri’.

Pa le ub’antajil k’utb’al rech ri’ are xya’taj pa ucholajil ri’ jacha’ ri xetaq wi che upatanixik ri’, are wari’ xya’taj ub’ixik che ri Rivas Lara che e k’o 22 mil chi winaqil xetatb’en pa le Cholb’inik Toq’inik Chomanik pa joremal ri’. Xya’ ub’ixik che che ri ya’olchajinik ri’ are pa oxib’ q’ij xb’antaj wi uchomaxik ri’ chi’ k’u ri’ e k’o jun mil cuatrocientos chi eqa’lenelab’ ajchajil tinamit k’ot k’aqb’al keqam b’ik ri’ ruk’ 110 chi ch’ich’ xekoj pa konojel ri’.

Eri k’amal b’e wokajil ajchajil tinamit k’amatil ub’e rumal ri Comisario General Nery Ramos, xuya’ ub’ixik ucholaj che pa le ub’anikil ya’olchajinik ri’ are xekoj 20 autopatrullas rech ri Sub Dirección rech Prevención rech taq Delito xuquje’ Lobos GRILL e are k’ut chi rij taq kejach’ich’ xeb’in che kachajixik ri winaqilal xepe pa toq’inik ri’ rech jamal kib’e xewa’kat ri’.

Xuquje’ xya’taj ub’ixik che xe’opan chi rij ri Uk’u’x K’ojem pa Uk’u’x Nimatinamit ri’, e k’o ambulancias rech ri laj jakunanib’al yowab’ rech ri PNC xetaq chi’ ruk’ nik’aj molaj ilob’al pa aninaqil ri’, chi’ k’u ri’ eri rajchak ri ajchajil tinamit xuya’ tob’anik chi ke winaq che ri xe’opan pa le cholb’inem ri’ che ri k’o k’ax yowab’nik xkina’o.

xumaltyoxij ri tob’anik xya’taj pa le uchak upatan ri’

Eri Rivas Lara ruk’ ri Guzmán Loyo, xki’kotirsaj xuquje’ xkimaltyoxij ri kitob’anik xkiya’ chi’ ri eqa’lenelab’ rech ri PNC k’a xaq xsaqar k’ut rech xkicholajisaj kib’ chi’ rech xe’opan wi ri winaq tinamit pa ub’anikil joremal ruk’ joreb’anem ri’ chuwach ri Nimarachoch Amaq’ Tinamit ri’, rumal k’ut qas chi’ kopanib’al ri winaqilal pa le cholb’inik ri’.

Pa le molin ib’ chomanik xuquje’ qas chi’ xb’antaj wi ri chak rech q’atel b’anow k’ax ri’, xuquje’ rech ya’olchajinik chi ke winaq tinamit ri’, rumal ri’ eri Procurador rech ri Derechos Humanos Jordán Rodas, xuki’kotirsaj uwach kichak kipatan ri eqa’lenelab’ ajchajil tinamit ri’ chuwach ri Rachoch B’anol Taqanib’al pa Amaq’ilal ri’ xuquje’ chuwach ri Nimaja pa Uk’u’x Nimatinamit ri’.

Aretaq xk’is ri molin ib’ chomanik chak patan ri’, eri Ministro Francisco Rivas Lara sib’alaj xuya’ ub’ixik che kak’oji pa ya’olchajinik k’a pa le k’isb’al uq’ij uchak patan ri’.

COMPARTIR