Eri SGAIA ruk’ ri MP k’o cocaína xkiraq pa le nima b’e kab’e pa Escuintla

282

E k’o jun juk’ulaj winaq xechapatajik e b’enaq pa jun camioneta are uplaca rech kab’insaxik P-557DGG, Mitsubishi, eri eqa’lenelab’ rech Subdirección General rech Análisis ruk’ Información Antinarcótica (SGAIA) xechapowik; chi la’ pa le kilómetro 52.5 pa le ruta Autopista, Palín, Escuintla ri’, pa le jun ch’ich’ ri’ kik’amom wi b’ik lajuj pisb’al k’o cocaína, eri rajil pa ronojel are Q 1,027,417.50 qaraj are  USD$.134,831.69. chi pwaqilal ri’.

Eri awan kunab’al ri’ are xraqatajik rumal ri tz’i’ eqa’lenel K-9 “Rambo”. Eri tz’i’ eqa’lenel ri’ are xk’utuw chi kuwach ri ajchajinelab’ e ajeqle’n antinarcóticos xuquje’ chi kuwach ri q’atol tzij rech ri Ministerio Público (MP) ri awam wi ri awan kunab’al ri’, rumal k’u ri’ xesach rachib’al ri jun ch’ich’ ri’.

Aretaq xk’is b’anoj tzukunik chi’ xechap k’ut nik’aj colombianos kib’i’ Carlos Manuel Solares López, 40 ujunab’ ri’ ruk’ ri a Luisa Fernanda Bueno Flores, 35 ujunab’ ri’.

Eri xraqataj kuk’ ri’, are kik’amom loq upetik ri’ k’a pa San Cristóbal, zona 8 rech Mixco, rech ub’ik b’ik k’a pa México ri’.

Pa le junab’ ri’; eri reqa’lenelab’ ri Subdirección General rech Análisis ruk’ Información Antinarcótica (SGAIA) kiraqom chik 570.12 upajb’alil Cocaína; ri rajil pa ronojel are ri’ Q 58,575,126.51 xuquje’ US$.7,628,022.97 pa ronojelil ri’.

 

COMPARTIR