Eri Taqawokaj pa Amaq’ xkiya’ utzijoxik ub’anikil ri SINAPRESE 2019 ri’

138

 

Eri q’atb’alzij reh ri Taqawokaj pa Amaq’ xkiya’ utzijob’exik ri Wokajil pa Tinamit rech Nab’ejsab’al Q’atel k’ax pa Awasq’ij ri’ ub’i’ SINAPRESE 2019, ri kamajtajik pa viernes 12 rech abril pa lunes 22 rech abril ri’, are rech taqim ya’olchajinik ri’, xuquje’ ri utzijob’exik ri b’anol kunanik chi ke winaq xuquje’ ri ilonem kab’an pa taq nimab’e ri’, chi ke e wa’ktel e aj pa tinamit xuquje’ chi ke ri kepe naj che ri kewa’kat pa taq nimab’e rech pa we amaq’, chi ke ri keb’e che wa’ktem pa juyub’al rulewal ri’ xuquje’ pa taq nimaq’ij rech komontyox ri’.

Eri SINAPRESE 2019 k’o 7 chi k’olib’al rech ya’olchajinik rech nab’ejsab’al q’atel k’ax ri’, xuquje’ k’o 14 chi campamentos kukoj ri’, chi k’u ri’ kakitatb’en wi’ e 90 mil chi winaqilal rech taq wokajil b’anikilem rech ri CONRED, rech kiwokajil ej tob’anelab’ kuk’ ri wokajil ajchajil tinamit ri’.

Eri taqim ruk’ wa’ are nab’ejsab’al q’atenik k’ax, rech kilik kato’ik winaq pa k’axk’onem ri’, rech ilonem pa aninaqil chi ke ri winaq tinamit pa le uq’ijol ri Awasq’ij ri’.

Pa nim molinem ri’ are jun xtatb’en chi’ ri K’amal b’e rech Amaq’il, ri xuya’ jujun taq tzij ub’ixik chi ke ri winaqil e aj iximulew ri’ rech kakub’ kik’u’x b’a’ ri utzalaj ya’el tob’anik man tojom taj kab’an pa taq le uk’olib’al ya’olchajinik xuquje’ pa taq campamentos rech SINAPRESE ri’.

Rumal ri’ eri Wokajil Ajchajil Tinamit pa amaq’el kechajin pa juntir taq q’ij ri’, jeri’ kumal ri eqa’lenel rech comisarías xuquje’ ri rech pa taq jachakunb’al rech chajinik ri’; rumal k’ut qas e are ri’ e taqom che kachajixik ri wa’ktel winaq ri’ xuquje’ pa taq ri uk’olib’al ya’olchajinik, rech majun b’a’ sib’alaj kurumumij uch’ich’ tane’ xuquje’ maj tijow tzam kumal ri’, rech majun utijom tzam kub’anisaj tane’ ch’ich’ ri’.