Eri Taqawokajnel rech Ya’olchajinik pa Amaq’ katob’anik ruk’ uchak ri CICIG ri’

138

Eri Francisco Rivas Lara, Ministro rech Gobernación, xuya’ ub’ixik che kak’oji na ri Comisión Internacional rech Q’atenik Itzelb’anik pa Iximulew (CICIG), are rech kuya’ uchuq’ob’il ri B’anoj Taqawokaj pa Jikomal Ya’talil ri’.

 “Eri qawokom uwach ri b’anoj q’atoj tzij ri’ are rajawaxik b’a’ ri ya’el tob’anik che ri wokajil ri’ rech kak’oji quk’ ri Komon Q’atb’altzij ri’ xuquje’ rech kak’oji quk’ ri CICIG k’a pa le 2019 ri’” xcha’.

Eri Rivas rachb’ilam le Nima K’amal b’e Amaq’ Jimmy Morales, xuquje’ ri fiscal General rech ri Ministerio Público, Thelma Aldana; ri Comisionado rech ri Q’atb’altzij Kuq’atij ri Itzelb’anik pa Iximulew ri’ Cicig; Iván Velásquez; ri k’amal b’e rech ri Corte Suprema rech Suk’umalil Ranulfo Rafael Rojas xuquje’ ri nan k’amal b’e rech ri Instituto rech ri Defensa Pública Penal; Nydia Arévalo, xek’oji pa le Molinem kuk’ ri e ajtob’anelab’ e ajya’el pwaqil ri’ pa le chomanik kab’an pa taq ri Naciones Unidas (ONU) pa le Nimatinamit rech Nueva York ri’.

Pa le riqb’al ib’ chomanem ri’ eri Morales xuta’o rech ri kak’oji na chi’ che q’atoj tzij ri Comisión Internacional rech Q’atenik itzelb’anik pa taq taqawokajil pa Iximulew CICIG ri’ xuquje’ xya’ ub’ixik chi’ juntir le chakum chik uwach pa ya’olchajinik ruk’ suk’umalil ri’.

Eri taqanel Morales ri’, xuya’ ub’ixik che katajin ub’anik utzilem pa we amaq’ ri’ rech kaq’atatajik ri itzelb’anik chi’. Rumal k’u ri’ xuta’o che kak’oji na cha upatan ri CICIG chi’.

Eri comisionado Iván Velásquez, xub’ij che are utz we ri taqawokaj amaq’ kukoj ri uchokonsa’n rech pa utukel utz ukojik ri q’atoj tzij kub’an chi’.

Xuquje’ eri Velásquez, xumaltyoxij che ri nima k’amal b’e Jimmy Morales, rumal xuta’o rech kak’oji na che uchak upatan ri CICIG chi’,  ri kuya’ pa retalil kuchakuj jun ucholchak k’a pa septiembre rech 2009 ri’.

Eri k’amal b’e rech ri Corte Suprema rech Suk’umalil ri’ (CSJ) Ranuldo Rafael Rojas, xub’ij che ri CICIG we kamik katajin che utzukuxik uwach 200 chi q’atanik ri q’atom chik 160 suk’umalil chi kij e ajpatanib’ ri’ kuk’ ri e k’ojinaq pa le patanem ri’.

Rumal ri’ eri nima k’amal b’e amaq’ kuk’ ri patanel rech ya’olchajinik kakiya’ pa k’utik ri’ chajinik b’anom chik pa le ya’talil winaqil ri’ pa le Asamble General rech ri Naciones Unidas ri’.

Swiffy Output
COMPARTIR