Eri Taqawokajnelab’ pa Amaq’ k’o jun ya’ltzijol xkikojo ub’i’ “Uwachwuj pa K’amq’aq’nil rech Jaqatil uwach Tzijol”

103

 

Utob’anik ri ukaj Viceministro rech Tecnologías rech Tzijolil xuquje’ rech Tzijob’enik ri’ rech ri Ministerio rech Gobernación, pa we q’ij ri’ are xjachik uwach ri Uwachib’al ri Jaqatil Tzijolil ri’ rech Iximulew, eri uwachwuj pa k’amq’aq’nil are jun uwa’lib’alil no’jb’anikil ri’ rech retal taq tzijol ri’ kech ri winaqib’ pa tinamit ri rech taq jalajoj uwach wokajilal rech ri Taqawokaj ri tojom ta uchak upatan ri’.

Pa le ilb’anik ri’ xtatb’en wi’ ri Ukab’ k’amal b’e Amaq’ rech Amaq’il, Jafeth Cabrera, ri Viceministro rech Tecnología, Gabriel Juárez; ri Oscar Cobar, Secretario Nacional rech Ciencia xuquje’ Tecnología, kuk’ nik’aj chik q’atb’altzij ri’.

Che ri Viceministro Juárez eri jun uwachwujil pa k’amq’aq’nil ri’ are utaqim ya’ol tob’anik pa le saqilb’anem ri’ xuquje’ pa ujachik ri ub’ixikil chi kijujunal ri wokajil rech ri taqawokaj ri’, “ruk’wa’ le k’ak’ uwachib’al ri’ chi’ k’u ri’ eri komon winaqilal pa taq molaj kechakun chi rij ri’, rech kakilo we paq saqilem ri chak b’anom kumal taq ri wokajil rech ri taqawokaj ri’”, xcha’.

Eri ukab’ k’amal b’e amaq’ Cabrera, xumaltyoxij rumal are kikaj kakichakuj rilik ri komon winaqilal ri’ xuquje’ xub’ij chi ke ri q’atb’altzij rech ri jujun taqawokajil rumal ri tob’anem xya’taj pa le rilik ri saqilb’anik ri’.

Pa Iximulew eri Datos Abiertos ri’ eri ub’antajil jacha’ ruk’ ri chakum chik kumal ri wokajil patanem pa tinamit ri’, ri wokaj ajpoq’sal meb’il, ri tijob’alil xuquje’ ri winaqilal ri’.

Xq’alajisax loq’ ub’anik ri’

Eri ukab’ k’amal b’e amaq’ Jafeth Cabrera xuya’ jun loq retalil chi ke ri wokajilal ri’ che ri e k’o pa le animal ch’ob’otal chak rech “Portal rech Datos Abiertos”, e are wari’ rech ri Ministerio rech Gobernación, rech ri Finanzas Públicas, rech ri Salud, rech ri Tijonem, rech ri Meb’ilem xuquje’ rech ri Secretaria Nacional rech Ciencia xuquje’ rech ri Tecnología ri’.

Ruk’ wa’ are kanimaxik ri eqa’lenemtzij Jo’ob’ Rajilab’al rech ri Ch’ob’otal Chak rech ri Jaqatil uwach Taqawokaj rech Iximulew 2016 – 2018, ruk’ wa’ jun b’anow Chomab’alil pa Tinamit rech Jaqatil uwach Tzijol ri’, ri k’o pa reqa’lenel ri Viceministro rech Tecnología xuquje’ rech ri Secretaría Nacional rech Ciencia xuquje’ Tecnología SENACYT ri’.