Eri Tercer Viceministerio sib’alaj katajin che uchomaxik rech jun utzilaj ya’olchajinik pa taq Tijob’al ri’

64

 

Eri viceministro rech Q’atel k’ax, Axel Romero, xuya’ utzijol rech keta’maxik che we kamik xk’oji pa jun molinem kuk’ ri Comisarios rech Wokajil Ajchajil Tinamit, rech ta kajib’ comisarías rech pa nimatinamit rech Iximulew ri’ xuquje’ kuk’ taq ri kajib’ Direcciones Departamentales rech Tijonem, are taqim ya’el utzijol chi rij le tzijob’enik chi kuwach ri Comisarios kuk’ ri K’amal b’e rech Tijonem pa Taq Tinamit ri’ rech kaketa’maj jawchi’ kopan wi’ uwach le juyub’ rech kichak patan chi kijujunal ri’.

Xuquje’ are sib’alaj k’o nim upatan chi ke ri K’amal b’e Tijonem pa taq Tinamit ri’ rech are wa’ kaketa’maj chinaq comisario xuquje’ comisaría ke’opan wi’ che ub’ixik wexa’ k’o jun k’ax kakilo kak’ulmatajik.

Xub’ij chik, eri comisarios, chinaq kuk’ keb’e wi’ rech wexa’ k’o kakiya’o ub’ixik ri’.

“Eri kojtajin che utzijoxik ri’ xuquje’ ri kojtajin che ub’ixik ri’ rech kakoj kuk’ ri K’amow ub’e rech ri Direcciones Departamentales rech Tijonem xuquje’ are wa’r ech kilik rech are uterenb’exik rech uq’atexik b’anow k’ax ri’ xuquje’ rech k’o q’atb’altzij chi rij wari’, rech jeri’ pa ub’anikil uchomaxik kab’an ri’ pa taq le tinamit ri’”, xcha’ ri Romero.

Xub’ij chik “Are wa’ k’o jun uterenb’exik kab’an ri’, chi’ k’u ri’ eri kaqaj uj, rech pa le uchak ri Ministerio rech Gobernación, rech keta’maxik jas le utaqom ub’anik ri’ le Ministro Enrique Antonio Degenhart Asturias, man xa ta ri’ taqom ub’anik wa’ pa le taqawokaj ri’, xane’ xuquje’ pa juntir taq tinamit ri’”.

Eri Tercer Viceministro, k’o jun nim tzijob’enik xub’an kuk’ ri viceministros rech Tijonem, xuquje’ are wa’ sib’alaj rajawaxik kaya’ ub’ixik ri’ pa taq le tinamit, kuk’ taq ri taqanel rech comisaría xuquje’ kuk’ ri directores departamentales ri’.

K’o oxib’ uwach ch’ob’otal chak le kachomax ri’

Pa le nab’e uwach che ri sib’alaj rajawaxik ketob’an chi rij kumal ri k’amal b’e rech tijonem are katob’anik pa le programa rech Escuelas Seguras, rumal k’ut are wa’ k’o jun nimalaj uchuq’ab’ pa le q’atel b’anow k’ax ri’ xuquje’ rech te k’u ri’ kak’is uwach le programa ri’ xuquje’ rech kaq’ax ub’ixik le tzijolil pa taq le tijob’al ri’.

Pa le ukab’ uwach ri’, eri Romero García, qas xub’ij ri’ pa le molinem ri’, rajawaxik b’a k’o jun tzijob’elil chi rij wari’ pa le amaq’ tinamit ri’ chi kuwach ri k’amal b’e rech tijonem pa taq tinamit ri’ xuquje’ kuk’ ri comisarios.

Rumal k’ut eri director departamental are k’o le uchak upatan pa le Ministerio rech Tijonem xuquje’ eri comisarios eri e are k’o ri kichak patan pa le ya’olchajinik pa taq tinamit ri’.

Xuquje’ ruk’ wari’ kab’antaj kowinem kach’ob’otajik che k’o k’ayin awan kunb’alil kab’an pa taq le tijob’al ri’, le rajawaxik pa aninaqil kaq’atexik ri’, kumal ri unidad antinarcóticos rech ri Wokajil Ajchajil Tinamit xuquje’ eri comisaría pa kiq’ab’ k’o wi’ rech uq’atexik ri b’anow k’ax ri’ pa jikomal ri’.