Eri tojb’al rech resaxik ri wujil antecedentes policiales are katajin kopan pa 8 mil chi wujilal ri’

110

Chinaq rajawaxik kakisaqab’isaj uwach ri wujil antecendentes policiales ya’talil ri’ kakitz’aqatisaj ri kta chi rij ri’ are tojom taj kesaxik rumal le winaq ajchoq’e ri’, jeri’ xuya’ ub’ixik ri Pablo Castillo ajtzijolinel rech ri Wokajil Ajchajil Tinamit (PNC), xkub’isaj ub’ixik che pa we junab’ ri’ xopan pa 8 mil winaq kitam resaxik we wujilal ri’, rech pa usaqab’isaxik ri wujila rech antecedentes policiales ri’.

We wujil ri’ are wa’ sib’alaj kata’ik aretaq le winaq kuta uchak ri’, jeri’ xuya’ ub’ixik ri Castillo are xub’ij che rajawaxik b’a’ eri winaq ajchoq’e le wujil ri’ ri kopan che resaxik we jun wujilal ri’ pa le Dirección General rech ri PNC xuquje’ ya’talik we kukoj jun ajtob’anel rech ri k’ub’sib’al uk’u’x, ri k’o pa saqil uwujil ri’.

“Sib’alaj rajawaxik kaya’ ub’ixik chi ke ri winaqil e aj iximulew ri’ che pa le Dirección General ri’ ma tojom taj kesax wi we wujil ri’, le rajawaxik k’ut are kanimaxik utz’aqatisaxik ri wujilal kata che usaqab’saxik uwach taq ri’”, xcha’ ri Castillo.

Eri tzijol ri’ are xya’taj ub’ixik rumal ri Comunicación Social eri PNC xub’ij che k’o 10 mil 446 wujilal ri’ ri xsuk’ub’ax ri’ pa le 2017 xuquje’ rech pa junab’ kanoq.

COMPARTIR