Eri Tránsito PNC k’o ya’olchajinik rech etab’al tzam tijom kumal ajb’inisal ch’ich’ pa uk’u’x nimatinamit ri’

117

Eri taqim ri’ are kepixb’axik keno’jixik ri winaq tinamit rech utz kuwach kakib’inisaj kach’ich’ ri’, rumal eri’ Departamento rech Tránsito rech ri (PNC) k’o k’i ya’olchajinik xkib’an ri’ rech retaxik we katijom tzam ri ri ajb’insal ch’ich’ ri’.

Eri Departamento rech Tránsito rech PNC, Otoniel Sandoval, xuya’ ub’ixik che we nik’aj ya’olchajinik ri’ xaq xu’ wiri’ pa uk’u’x nimatinamit ri’ xb’an wi xuquje’ k’o jun jachakunb’al ri kuya’ wujil ri’ chi rij chinaq kakitij tzam ri’.

Eri ub’anik wa’ ya’olchajinik ri’ pa juntir amaq’ tinamit e k’o chomanik rech ketaq b’ik eqa’lenelab’ rech PNC pa le ukojik ri chakub’al ri’.

Eri ya’olchajinik katajin ub’anik ri’ rech uq’atexik k’ax, are utz kakojik rech karaqik jun ajb’inisal ch’ich’ ri ok’owinaq tzam utijom ri’ rech jun chik winaq kak’omow b’ik uch’ich’ ri’.

Eri winaq katijom tzam kab’nsam kach’ich’ we keraq kumal q’atb’altzij kechap ri’ xuquje’ ketaq b’ik pache’ ri’ xa’rumal are jun mak k’ax tatin kakib’an ri’.

Eri ya’olchajinik rech etab’an tzam katijom e ajb’insal ch’ich’ ri’ are xaq k’a te’et kakoj pa taq nimab’e ri’, jacha’ pa taq Calzada Roosevelt, Atanasio Tzul xuquje’ pa okib’al San Miguel  Petapa xuquje’ are ya’olchajinik ya’talil kakoj xa’pawje rech pa uk’u’x nimatinamit ri’.

Eri ajb’inisal ch’ich’ ri’ che ri sib’alaj e q’ab’arinaq ri’ e are k’ut kakisolkopij kib’ pa taq le kach’ich’ kab’inisam ri’ xuquje’ e are kab’ix chi ke rech kakiq’el kib’ ri’.

Aretaq xk’is ri tijonik ri’ k’o ya’olchajinik ri’ kakib’an pa ronojel amaq’ tinamit ri’, jacha’ ri kataqon wi ri q’atb’altzij, jeri’ xuya’ ub’ixik ri Taqanel rech Tránsito, a Sandoval.

COMPARTIR