Eri Tránsito rech PNC ke’utijoj e 2 mil chi e ajb’inisal taq ch’ich’ ri’

161

 

Are rech majun raqow k’ax pa taq nimab’e kumal taq e ajb’inisal ch’ich’ ri’ pa we amaq’, eri q’atb’altzij rech ri Departamento rech  Tránsito rech ri Wokajil Ajchajil Tinamit  (DT-PNC), xkiya’ utzijol pa we junab’ ri’ kakik’utijoj e 2,200 e ajb’inisal ch’ich’ rech taq empresas che ri ke’ok’ow pa taq le nimab’e CA-9 norte xuquje’ sur ri’.

Rumal k’ut eri nima’q taq ch’ich’ rech eqa’nib’al pa jun 8 por ciento chi ke ri’ kakiraq k’ax pa taq nimab’e rech pa we amaq’.
Pa le 2018 eri q’atb’altzij rech Tránsito rech PNC xkiya’ ub’ixik ri’: che e k’o 550 e ajb’inisal taq ch’ich’ xkitijoj , chi rij uloq’oxik uwach kik’aslemal winaqil ri’, chi rij ub’anikil taqanem chi ke, chi rij taq ri kichak patan, xuquje’ chi rij k’ub’sib’al k’u’x b’anow wa’katem kumal pa taq nimab’e. E pa taq tinamit che ri xb’an wi’ ri k’uttijonem ri’ are pa Morales, Izabal, Quetzaltenango, Jutiapa, Chiquimula, Amatitlán, chi rij kub’sib’al k’u’x b’anow wa’katem pa taq nimab’e ri’.

E runimal ri k’ax pa taq nimab’e kumal taq ri ch’ich’ rech eqa’nib’al ri’ are pa taq le Nimab’e rech ri Rutas Centro Americanas, CA-1, CA-2, Occidente, CA-9 Sur xuquje’ Norte pa le nab’e taq 30 kilómetros pa raqanil ri’.

Xuquje’ xya’taj ub’ixik che k’o molin ib’ rech b’anow chomanik kuk’ taq ri Asociaciones kech e Ajb’inisal Ch’ich’ ri’ rech e are jun pa le cholchak rech q’atel k’ax pa taq nimab’e pa we junab’ ri’.