Eri Triángulo Norte xkichomaj ub’eyal komon ya’olchajinik rech kiq’atexik nuk’wokaj b’anol k’ax

292

Aretaq xok’ow kajib’ q’ij riqb’al ib’ chomanik kuk’ ri q’atb’altzij rech ajchajil tinamit rech Iximulew, Honduras xuquje’ El Salvador xkijuch’ uwach jun Nim na’tib’al rech B’anow Chomanik ri k’o nuk’chomab’alil ruk’ k’isb’al uwach chomanik che ri xchomataj kumal pa le nab’e Q’atan chomanik kumal Amaq’ib’ rech Q’atenik Nuk’wokaj b’anow k’ax pa taq nimatinamit pa uwachulew ri’ chi’ k’u ri’ xetatb’en wi e ajno’jinelab’ ajchajil tinamit xuquje’ ajq’atol tzij rech ri Ministerio Públuico rech ri oxib’ amaq’ib’ nimatinamit ri’.

Aretaq xk’is uwach ri Q’atan Chomanik, eri Ervin Mayén, K’amal b’e rech ri Wokajil Ajchajil Tinamit, xuya’ ub’ixik che we nuk’chomab’alil ri’ are rech utzijob’exik ri tzijol ruk’ ri komon ch’ob’onik chi kuwach ri ajchajinelab’ rech El Salvador, Hondura xuquje’ Iximulew ri’ are wari xuya’ jun nim chakub’al pa kaq’ab’ ri sak’ajil tzukunem rumal ri’ xb’antaj kowinem xchomatajik rech keq’atexik ri nuk’wokaj b’anol k’ax pa uwachulew ri’.

Jujun chi ke ri’ kekowin che ukojik uwokik uwach taq ri tzijol tzijob’enik rech are utz kakoj kumal ajchajil tinamit xuquje’ kumal ri q’atol tzij ri’. Are wari kuya’ chaqe jun AFIS q’atel b’anol k’ax pa Triángulo Norte are rech kaya’ utzijob’exik pa le uk’olib’em tzijol ri’ ruk’ ya’el tzijolil chi rij taq b’anol k’ax rech kach’ob’ kuwach ri’.

Eri Mayén xub’ij ri’, “We jun Q’atan Chomanik are xuya’ pa saq chaqe che we nik’aj molaj b’anol k’ax ri’ kimolom kib’ pa le b’anow k’ax, eri wokajil ajchajil tinamit rech ri oxib’ amaq’ib’ tinamit ri’ are qas kakaj pa komonb’al keq’aten chi ke xuquje’ ruk’ pa jun nimalaj kub’sib’al k’u’x”.

Eri taqawokajnel xuya’ ub’ixik che ri b’anow k’ax che ri qas kab’an pa taq tinamit naj are elaq’an ch’ich’, elaq’an k’aqb’al, k’ayin awan kunb’alil, b’anow k’ax che kik’aslemal winaq, ri molaj b’anol k’ax xuquje’ ri ciberdelito pa uwachwuj jeri’ taq le ub’anik k’ax kumal b’anol k’ax ri’ xuquje’ are tajin uchomaxik rech keq’atex ri’.

Rumal ri’ eri Subcomisionado Douglas Zumeta, rech Ajchajin Tinamit El Salvador xub’ij che ri q’atan chomanik ri’ are k’o nim upatan xub’an pa taq le tinamit naj rumal pa le ub’anikil ri’ xkiwok uwach jun nim wujil pa komonb’al rech kiq’atexik ri nuk’wokaj b’anol k’ax ri’.

“Eri molaj b’anol k’ax e are k’ut qas kakib’an k’ax pa le oxib’ tinamit ri’ rumal ri’ pa k’isb’al rech xkich’ob’o che sib’alaj rajawaxik kakikoj ub’anikil kichapik ri b’anol k’ax kiwam kib’ pa le oxib’ nimatinamit ri’ xuquje’ rech uya’ik uchuq’ab’ ri komonchak ruk’ ri INTERPOL, rech k’o utz kupatanij ri chak kub’an pa aninaqil ri’”, xcha’ Zumeta.

Eri Subcomisionado rech ri Wokajil Ajchajil Tinamit Honduras, José Hernández, xuya’ ub’ixik che ri xupatanij ri kajib’ q’ij b’anow chomanik ri’ are xb’antaj kowinem ruk’ xwok uwach ub’eyal pa komonchak kuk’ taq ri wokajilal rech pa oxib’ nimatinamit ri’, rech keterenb’ex xuquje’ rech keq’atexik ri b’anol k’ax pa le oxib’ tinamit ri’.

“Eri upatan ri komochak chomanik ri’ are pa komonb’al juntir kq’atexik le b’anow k’ax pa taq le rulewal ri’ xuquje’ pa le Q’atan chomanik chi’ xya’taj wi’ jun sik’inik rech kak’aslemax uwach ri xpixb’ax uwach ub’ixik kumal taq le wokajil chi’ pa le uq’atexik ri b’anol k’ax pa taq le tinamit ri’”, xcha’ ri Hernández.

COMPARTIR