Eri tzukunem rech kaq’atexik “Ri Sharawi” k’o xmajtaj kachapik ri’

176

 

Eri Wokajil Ajchajil Tinamit (PNC) xekowin che kachapik e waqib’ chi ke ri nik’aj b’anol k’ax kib’i’ “El Sharawi” kab’ixik e are k’ut qas kakeleq’aj ch’ich’ pa taq taq’ajil juyub’ ri’ che ri kakeleq’aj wi’ kejch’ich’, b’anow kamisan winaq, b’anow toq’inik pwaq chi ke winaq che k’aqb’alil rech kakeleq’aj kich’ab’eb’al ri’ ruk’ nik’aj kijastaq ri winaq e escuintlecos ri’.

Eri xechapatajik e are ri’ a Jorge Daniel Acajabón Fuentes, alias “Gordo xuquje’ kab’ix Cerdo che”, ri xchapataj pa le Colonia San Antonio El Calvillo Lote 23, Kilómetro 53 nimab’e kab’e Palín, Escuintla, eri xchapatajik k’o pa keb’ mul taqom loq uchapik rumal k’o elaq’ xuquje’ choman b’anow k’ax ri’.

Xuquje’ xchapatajik a Bryan Elizardi Pérez Girón, alias “Bryan Estrella” eri are ri’ xchap loq pa le 4ª avenida 2-63 Colonia las Brisas rech Sebastopol rulewal tinamit rech Escuintla xuquje’ pa le 4ª avenida 2-63 Colonia Sebastopol pa rulewal tinamit rech Escuintla ri pa keb’mul taqom uchapik rumal q’atb’altzij rumal b’anow elaq’nik xuquje’ toqpinik pwaq chi ke taq winaq ri’.

Xuquje’ ri Luis Fernando Hernández, alias “Guicho” xchapataj pa le 1ª avenida Lote 33, Colonia La Cascada II, rulewal tinamit rech  Escuintla, rumal b’anow elaq’ ri’, a Jorge Geovanni Albizúrez Cayax, alias “Yorch y/o Pokemon” ri are xchapatajik pa le Calle Principal Lote 8 Parcelamiento el Carmen  pa rulewal tinamit rech Escuintla ri’, k’o keb’mul taqom uchapik rumal q’atb’altzij rumal b’anow taq elaq’ rumal ri’.

K’a te kanoq xchapataj rumal b’anow elaq’ xuquje’ eleq’an taq ch’ab’eb’al a Iván Alexander Estrada ri are xchapik pa le 10ª avenida Lote 15, Prados del Carmen, rulewal tinamit rech Escuintla xuquje’ a Estiven Damián Cardona Argueta xchapik pa le 1ª Calle lote 134, Colonia Sebastopol, rulewal tinamit rech Escuintla ri’.

Eri e are ri’ xtaq kichapik rumal Q’atb’altzij rech Escuintla xecha’ ri q’atb’altzij rech ajchajil tinamit ri’.