Eri tzukunem ri’ are rech kechap uwinaqil ri jun molaj b’anol k’ax kib’i’ “Leo Pasapera”

166

Eri b’anow tzukunem chajinik ub’i’ Operación Mesoamérica “Leo Pasapera fase II” ri’, kumal eqa’lenelab’ rech ri Wokajil Ajchajil Tinamit (PNC) xuquje’ kumal ri’ Q’atol tzij rech ri Ministerio Público (MP) k’o waqib’ chi tzukunik xkib’an ri’; jun pa Jutiapa xuquje’ jo’ob’ pa San Marcos rech taqim kichapik uwinaqil ri jun molaj b’anol k’ax che ri kik’amom b’ik winaq maj pa usaqil ri’, kapetik pa Pakistán Afganistan, India, Nepal xuquje’ Bangladesh xuquje’ kapetik pa taq nik’aj chik tinamit pa uwachulew ri’.

We jun molaj b’anol k’ax ri’ are wokotal uwach kumal e juwinaq jo’ob’ uwinaqil ri’, ri tajin kib’anom k’ax ri’ k’a pa Brasil, Panamá, Costa Rica, Nicaragua, Honduras, El Salvador, México xuquje’ Estados Unidos, ri pa taq 20 pa 25 mil dólares americanos tojom chi ke rech kakik’am b’ik winaq ri’ pa Norte Americano.

Eri Pablo Castillo, ajtzijolinel ajchajil tinamit xuya’ utzijol che we jun ya’olchajinik ri’ are ukab’ uwach rech ri operación Mesoamérica che katajin che kichapik nik’aj b’anow k’ax ri’.

“Ruk’ wa’ kab’an unimaxik ri b’anow waqib’ chi tzukunik ri’ ruk’ ri q’alajisam rumal ri b’anow tzukunik ri xa’ rumal ri’ xtaq pa ub’anik ri jun ub’eyal ya’olchajinik kumal ajchajil tinamit ri’, rech kakib’an kilik ri winaqil che kakesaj pwaq pa pwaqilja ri’ rumal kiq’axaxik ri winaq kapetik pa k’i taq tinamit pa uwachulew ri’”, xcha’ ri Castillo.

Ri are xuya’ ub’ixik che ri tojb’al taq ri’ are pa kajib’ pwaqilja kakitoj wiri’ pa taq US$ 45 mil  pa US65 mil Dólares ri’.

Eri ki’okik loq ri winaq ri’ pa le juyub’ tinamit iximulew, pa taq le awan q’axb’al ke’ok wi loq pa k’ulb’a’t juyub’ rech San Cristóbal, Atescatempa Jutiapa; k’o kiwarb’al ja, kikub’sib’al ja xuquje’ ja k’olib’al jastaq ri’ che ri ke’awax wiri’ ketzuq wiri’ ri winaq ri keraqataj pa Jutiapa, pa Nimatinamit xuquje’ pa San Marcos ri’.

Pa junio 2016 xb’antaj ri nab’e uwach riqb’al ib’ ri’ rumal ri Sub Dirección General rech Investigación xuquje’ ri Unidad Especial rech b’anow tzukunik ri’ are wa’ pa junam ri’ xb’antaj ruk’ Panamá, Costa Rica, Honduras xuquje’ el Salvador chi’ k’u ri’ xb’antaj kowinem e lajuj uwinaqil ri jun molaj b’anow k’ax ub’i’ ri’ “Leo Pasapera” ri’.

We kamik ri’ kab’ixik e k’o b’elejeb’ winaq eri kimak kab’ixik e ajk’amel b’ik winaq pa awalik ri’ e are taq wa’:

Abigail Morales Carreto, Ukab’ taqanel rech ri jun molaj b’anol k’ax ri’ ub’i’ Leo Pasapera.

Ri Alida Marveles Maeda Ortega de Ortega.

Ri Claudia Begonia Morales Carreto.

A Denis Verenice De León Alezano.

Ri Maria del Rosario Hidalgo Barrios.

A Julio Cesar García Salazar.

Ri Sandy Maribel García Salazar.

Ri Siria Idelma Ventura Pérez.

A Marco Antonio Escobar Juárez.

We chanim ri’ eri b’anow tzukunem ya’olchajinik kumal ajchajil tinamit ri’ sib’alaj terenb’em ub’anik ri’.

COMPARTIR