Jacha’ kub’an pa ronojel taq q’ij ri’, eri Alfredo Robledo k’a pa nimaq’ab’ ri’ xwa’laj ri’, emu rawi’ are rech xb’e ta pa uchak kub’an ri’, are wari’ rech xb’e xuk’am b’ik ri unan ri’j winaq chik, ub’i’ Rosario Macaria pa le b’anow kunanem ri’, le xb’antaj rumal ri Ministerio rech Gobernación, pa komonchak ruk’ ri Ministerio rech Salud xuquje’ ruk’ ri e Ajchajil Amaq’, pa le aldea San Jo´se Santa Rita, rech pa le juyub’ tinamit rech Sibinal, San Marcos.

Pane’ b’a naj karaqataj wi’ le aldea El Platanillo ri’ che ri kepe wi’ xuquje’ le karaqataj wi’ naj che ri b’anow kunanem ri’, eri Alfredo ruk’ le unan Rosario Macaria 94 ujunab’ ri’, xkichap b’enam ri’, rumal yowab’ le chichu’ ri’ rumal k’ax le upam xuquje’ k’ax kujuq’aj uxulab’ ri’.

Are rech xeb’e pa kunanem ri’ pa jun chi ke ri autopatrullas xek’am b’ik pa le k’o wi’ le b’anow kunanem ri’ xuquje’ are wa’ uwach le b’anow kunanik ri’ xuquje’ rech pa le b’anow kachomaxik rumal ri’ Wokajil Ajchajil Tinamit ri’ (PNC).

“Sib’alaj kinmaltyoxij xb’an le kunanem chi’, rech rumal ri’ xinkowinik xink’am loq chi’ nunan ri’. Are wa’ uwach le sib’alaj rajawaxik chaqe uj, ri kunanem ruk’ kunab’al ri’, rumal k’ut naj kujraqataj wi’, k’ax k’ut kaqatijo rech kojpe tane’ rumal ch’ich’ kopan chi’ rumal ri’ kujkowin taj kojb’e pa le centro rech salud rumal sib’alaj naj k’o wiri’”

Aretaq xilik xch’ob’otajik jas ri uyab’ilem xkunax ri’ xuquje’ xya’ jun tem k’o raqan rech kab’inisaxik.

Jeri’ eri Alfredo xuquje’ ri Rosario Macaria Robledo, xuquje’ e k’o winaqil rech e oxlajuj aldeas rech pa tinamit ri’, tajin xekunaxik xuquje’ rumal k’ut e ri’j winaq chik xuquje’ xya’taj kitem k’o raqan kab’inisaxik.