Eri ub’ixik kumal ri winaqilal are qas utak’alib’al ri Utzalaj taq Ya’olchajinik ri’

146

Eri ub’ixik loq ri’ are qas utak’alib’al uwach ri utzalaj taq ya’olchajinik rech keq’atexikr i molaj b’anol k’ax ri’ jeri’ ub’ixik xuya’o ri Ministro rech Gobernación, Francisco Rivas Lara aretaq xwa’katjik pa taq uxo’l ja chuxe’ ri Puente Belice chi’ ri xb’an wi ri 30 chi ya’olchajinik ri’.

“Xqab’an we solinik ri’ xuquje’ are wa’ rech xaqilo jas ri katajin uk’ulmatajik chi’ rumal ri’ eri e ajchajil tinamit ri’ xe’opan chi’ pa awalik rech man k’ot jun xilow kech ri’ rech mam k’ot k’ax kakik’ulmaj chi’ che ri keraqataj wi ri molaj b’anol taq k’ax ri’ xuquje’ rech jeri’ kakipatanij uwach ri amaq’ pa nimatinamit ri’” xcha’ ri Ministro.

Eri Rivas Lara xuta chi ke ri winaq tinamit ri’ chakub’ b’a’ kik’u’x chi ke ri q’atb’altzij rech ajchajil tinamit ri’ rumal k’ut ruk’ wari’ kaq’atexik ri b’anow k’ax kumal ri elaq’omab’ aretaq kakitoq’ij pwaq xuquje’ kekamisan chi ke taq winaq ri’.

“Eri ub’ixik ri’ are k’o nim kupatanij xuquje’ eri winaq tinamit ri’ pa jujun taq q’ij ri’ are tajin kakub’ kik’u’x na chi ke ri PNC, pa le Wokajil Ya’olchajinik pa tinamit ri’ xuquje’ pa le Q’atoj tzij xuquje’ are wari’ k’o utz taq ya’olchajinik kab’antaj ri’”, xcha’ ri Ministro.

Aretaq xta utzijol chech ri’ chi rij kitatb’enik ri ixoqib’ ri’ xub’ij che k’o jujun taq itzelal ri’ ketajin che ub’anik ri’ pa le kipatanik pa le molaj b’anow k’ax ri’ jacha’ tane’ aretaq uk’amik b’ik jun ch’a’wb’alil ri’, pa le kib’ik che toq’inik pwaq ri’, pa le ub’anik ch’a’wnik panoq pa taq le ch’a’wb’alil rech Toq’inik pwaq chi ke taq winaq ri’ xuquje’ pa le b’anow k’ax ri’.

COMPARTIR