Eri Ukab’ K’amal b’e Amaq’ sib’alaj xuya’ utzijoxik ri chak rech pa le q’atenik e ajk’ayin awan kunb’alil

113

“Eri uraqatajik ri awan kunb’alil are wa’ jun ki’kotem che ri taqawokaj pa amaq’, rumal k’ut che we ri’ xok’ow uraqik na chuwach ri pa le 2016 xuquje’ kojtajin che kiq’atexik na panoq ri e ajk’ayin awan kunb’alil ri’” xcha’ ri Jafeth Cabrera aretaq xk’is ri uro’ riqb’alil rumal ri Secretaria Ejecutiva rech ri Wokajil Q’atel rech Awan Kunb’alil ri’ (SECCATID).

Xub’ij chik che pa le Taqawokaj rech K’amow b’e Amaq’ sib’alaj k’o ki’kotemal tajin kakina’o pa le k’amow b’e ri’, rumal ri chak patan katajin che ub’anik ri Ministerio rech Gobernación xuquje’ rumal ri Wokajil Ajchajil Amaq’ rumal k’ut eri winaq tinamit Iximulew sib’alaj katajin che ya’el tob’anik ruk’ ri Estados Unidos pa le jun nim b’anow chakunem ri’.

Pa le riqb’alil ri’ re ri Ukab’ K’amow ub’e Amaq’ xk’amow ub’eyal b’anow chomanik ri’, chi’ are jun xtatb’enik ri K’amal b’e rech ri Ministerio rech Gobernación, ri viceministro Antinarcóticos Oscar Miguel Dávila Mejicanos, are rajawtzij rech ronojel ri ub’eyal tzukunem ya’olchajinik pa le q’atenik awan kunb’alil ri’.

Eri uwachtzijonem che ri xchomaxik are chi rij q’alb’anem, le rilik, le uq’atexik ri b’anow k’axk’olil tajin kuya’ ri awan kunb’alil ri’, chi’ k’u ri’ xya’taj wi reta’maxik che pa we junab’ ri’ e k’o 24 mil chi winaqil xepixb’axik pa jun 17% ri’, man junam ta ri’ ruk’ ri rech pa junab’ir kanoq.

Xuquje’ eri xetijoxik le rajchak ri SECCATID, maltyox che ri utob’anik ri kichakuj tinamit pa uwachulew, pa le keb’ k’ak’ cholchak rech q’alanik rech kajun ta chik kutij awan kunb’alil ri’, le “Lions Quest” xuquje’ le ub’i’ “Rumal maj tijow Awan kunb’alil pa Uwachulew ri’” are wa’ kuya’ uchuq’ab’ rumal ri chak patan rumal ri K’amow ub’e Q’alan ib’ ri’.

Rumal ri’ eri Juan Rafael Sánchez  Rajawtzij ajchomanel rech ri SECCATID, ri are xuya’ ub’ixik che ri  Centro rech Tratamiento Ambulatorio (CTA), xuquje’ are wa’ xunimaj uwach le chak che ri chomam chik ri’ xuquje’ xb’antaj kowinem xe’upixb’ej e oxib’ mil chi winaqil rech kakitij ta chik awan kunb’alil, jeri’ pa kijujunal ri’, pa kajilab’al are pa jun 18% ok’owinaq na chuwach ri rech pa le junab’ 2016.

Pa le uro’ riqb’alil xetatb’enik ri k’amal b’e rech ri Ministerio rech ri Defensa, rech ri Ministerio rech Utzwachil Kunanem pa Tinamit, rech ri Ministerio rech Tijonem, ri rech Agricultura, ri Relaciones Exteriores, jeri’ ri Comunicaciones xuquje’ ri Ministerio Público, xuquje’ ri rech Ministerio rech Gobernación xuquje’ ri rech SECCATID ri xkityoxij che ri Cabrera ronojel ri chak che ri xb’antaj pa we junab’ ri’.

COMPARTIR