Eri uk’exik uwach pa uwokajil ri PNC are wa’ xtob’anik rech xkitz’aqatisaj xkitijoj kib’

259

Eri xk’extaj uwach ri Wokajil Ajchajil Tinamit (PNC), pa Wokajil Ajchajil Tinamit (PNC), are wari’ xya’ retalil rech ri wokajil ri’ xk’ex rib’ ri’, man xaq ta ri’ xok che ajno’jchakunel, xane’ are kub’an utz che rib’ xuquje’ rech ke’uchomaj ri winaqilal ri’.

Eri jun xk’oji che uk’amal b’e ri Wokajil Ajchajil Tinamit rech nab’e kanoq xuquje’ pa le Wokajil Ajchajil Tinamit chik, Ángel Antonio Conte Cojulúm, xuya’ ub’ixik che are wa’ k’o nim xupatanij che ri Iximulew ri uk’exnik uwach ri’ are wa xuya’ uchuq’ab’ ri kichomanik ri winaq tinamit ri’, jeri’ ri ub’anikil uchak upatan ri Wokajil Ajchajil Amaq’ pa jun tinamit che ri kachoman ri’, rech ukojik jun wokaj ajchajinelab’ pa tinamit ri’.

Eri Cojulúm we kamik are Ajno’jinel rech ya’olchajinik che ri k’amal b’e rech ri OJ, xub’ij che ri ke’xnik ri’ are xuya’ retal rech “xkub’ kik’u’x ri winaqilal chi qij ri’”.

Eri José Antonio Tzuban Gómez, K’amal b’e rech ri Wokajil Q’atel B’anow K’ax rech ri PNC, xuya’ ub’ixik che ri nab’e puq e oxib’ mil chi eqa’lenelab’, e k’o nik’aj chi ke ketajin kak’iyirik xuque’ e k’o nik’aj chik e k’ot chik ri’.

“In junr i’ xink’oji pa le nab’e puq rech ri PN xuquje’ pa le PNC are wari’ xq’alajinik che xk’extaj uwach ri’ rumal e nab’e kanoq xa’ jub’ik uwach katijob’en kib’ ri ke’ok chupam ri’, we kamik chik k’o nim chik na uwach ri tijob’en ib’ kesam pa le nimatijob’al ri ke’ok chik ri’. Eri qajchajinel xk’extaj kuwach ri’ xuquje’ utz ri’ jeri’ xb’an ri’, e k’o e k’ak’al chupam chik ri’, xuquje’ eri PNC ri’ k’o nim chik utijob’exik resam ri’”, xcha’ ri Tzuban.

Pa le decreto 11-97 rech ri Congreso rech ri Amaq’il ri’,  pa le taqanem ri’ eri keb’ wokajil ri’ xkitun kib’ ri’ aretaq ri’ eri eqa’lenel rech ri Guardia de Hacienda xuquje’ ri Wokajil Ajchajil Winaqil, pa le julio rech 1997 xkimajtaj uchak patan ri’ uchak patan ri PNC ri’, rumal ri’ e 37 mil eqa’lenel chik e k’o pa le uwokajil ri’.

COMPARTIR