Eri Uro’ Uq’ab’ Taqawokajnem rech Antinarcótico ri’ xkitzukuj uwach pa komon tzukno’jchak rech xkichapo jun molaj e b’anol k’ax ri’

67

Are uwach taq ri b’anow tzukno’jchak pa komonb’al kumal ri taqawokajil rech ya’olchajinik ri’ rumal ri Quinto Viceministerio rech ri Ministerio rech Gobernación, kuk’ reqa’lenelab’ ri Subdirección General rech Análisis xuquje’ Información Antinarcótica, SGAIA, xuquje’ ruk’ ri Fiscalía Especial rech ri Ministerio Público, rech xekowinik xkichapo e 23 chi winaqil e uwinaq jun molaj b’anol k’ax kib’i’ “Los Marrocos”, e are xkeleq’aj awan kunb’al ri’ xuquje’ b’anow kamisanik ri’, pa 93 chi tzukunem xb’antaj ri’ pa waqxaqib’ tinamit pa we amaq’ ri’.

Eri Quinto Viceministro Antinarcóticos, Oscar Miguel Dávila Mejicanos xuya’ utzijol che pa martes ri’ pa le q’axaltzij tob’al ukb’i’ Con Criterio, are ub’ixik xub’ij chi rij ri tzukno’jchak pa komonb’al rumal ri Ministerio rech Gobernación ruk’ ri Ministerio Público, are wari k’a pa jun junab’ chik ri’ aretaq xmajtaj ri tzukunik chi kij ri’ nik’aj winaq che ri k’o kuwach kuk’ nik’aj b’anol k’ax ri xek’oji pa Ajchajin Tinamit rech ri (PNC) ri’ kuk’ ri xek’oji k’a te ri’.

“Xya’taj ub’ixik chaqe che k’o jujun taq b’anow tzukunik xkib’an ri’ ma q’atb’altzij taj xetaqow che ub’anik ri’ kumal nik’aj e itzel winaq e rech jun molaj b’anol k’ax ri’ iwir”, xcha’ ri Viceministro.

Eri jun molaj winaq e b’anol k’ax ri’ k’o chik kitzijol quk’ eri b’anow k’ax xkib’ano jewa’ ub’anik xkib’an ri’ nab’e na xkicha ri ja ri xe’ok chupam taq ri’ chi’ k’u ri’ k’o awan kunb’alil xkeleq’aj ri’ jeri’ pwaq jeri’ nik’aj chik jastaq ri’, are wa’ k’ax xkib’an ruk’ nim jo’snik kumal ri’.

Eri Dávila xuya’ ub’ixik, eri “Nik’aj Marrocos” ri’ xakesaj pa rachoch ri ajchoq’e le ja ri’ e are k’ut xkikamisaj pa keb’ oxib’ q’ij chik ri’.

Pa rajilab’al ri b’anow tzukunem ya’olchajinik ri’

Pa le jun nimalaj tzukunem ya’olchajinik xb’an chi rij ri’ e k’o e 832 chi eqa’lenelab’ rech ri Ministerio rech Gobernación, kuk’ e 160 eqa’lenelab’ rech ri Ministerio rech ri Defensa, xetaq ri’ xekoj ri’ kuk’ ri Fuerzas rech Tarea Interinstitucionales, jeri’ kuk’ e 135 e ajtob’anel q’atoj tzij rech ri MP xuquje’ kuk’ e lajuj puq e ajilol rech ri b’anow k’ax che ri xk’ulmataj wiri, rumal xb’antaj kowinem xb’anik 93 chi tzukunik are chi’ e k’o 23 winaq xechap ri’, jeri’ e k’o waqxaqib’ chi ch’ich’ xeraqataj ri’, ruk’ 16 chi k’aqb’alil, 16 chi ch’a’wb’alil, ruk’ Q 200,000 b’otolik xuquje’ atz’iyaqb’alil rech ri PNC xraqataj ri’.

Eri b’anow tzukunem ya’olchajnik are xb’antaj ri’ pa taq le tinamit rech Iximulew, Chimaltenango, San Marcos, Retalhuleu, Escuintla, Sacatepéquez, El Progreso xuquje’ Santa Rosa, eri winaq xechap ri’ kab’ixik eri kimak are ri’,b’anow k’ax, choman b’anow k’ax, k’ayin awan kunb’alil xuquje’ kolom awan kunb’alil maj pa usaqil ri’, xuquje’ b’anow poq’san pwaqil ruk’ nik’aj chik jastaq ri’, b’anow elaq’, maj pa usaqil b’anow tzukunem pa taq ja achochib’al ri’, ruk’ b’anow kamisanik xuquje’ ruk’ b’anow k’ax pa le kichak patan ri’.

 

COMPARTIR