Eri USAC katob’an ruk’ ri PNC ruk’ jun k’uttijonem ub’i’ ub’anikil lofoscopía ri’

146

Are rech katerenb’ex uto’ik uya’ik uk’isik tijob’enik chi ke ri Wokajil Ajchajil Tinamit (PNC), eri Wokajil Tijob’al rech Reta’mab’alil Chomab’alil rech ri Nimatijob’al rech San Carlos rech Iximulew, are katob’anik pa le uya’ik ri retal tijob’en ib’ rech lofoscopía integral, are wari’ ya’tal chi ke ri 30 eqa’lenelab’ e ajchajil tinamit ri’, pa oxib’ ik’ kaya’taj wi kumal, jeri’ utzijol xuya’o ri k’amal b’e rech Investigación Criminal, Stu Velásco.

Eri Velásco xuya’ ub’ixik che ri lofoscopía ri’ are wari’ jun tijob’en ib’ chi rij ub’anikil taq achib’al pa suk’alil ri’ che ri kuk’ut kipalaj ri’ xuquje’ pa le kak’is wi ri q’ab’aj ruk’ ri aqanaj ri jun winaq ri’. Eri nik’aj achib’al xuquje’ are wari’ qas ilom pa le retalil ri’.

“We k’uttijonem ri’ are uk’u’x uchak patan ri jachakunb’al rech eta’mab’al chi rij k’ax ri’ xuquje’ are rech eri eqa’lenelab’ ajchajil tinamit kekowin k’ut che ya’el tob’anik ri’, pa le rilik uch’ob’ik ri retal taq uwiq’ab’aj kech taq ri winaq che ri ch’ob’om ta kuwach ri’”, xcha’ ri Velasco.

Eri Velásco, pa 2017 k’o 200 b’anow k’ax ri’ xukoj pa upatan ri eta’manem ri investigación criminalística rech k’o nim upatan ub’anom pa le uch’ob’ik rech b’anow chomanik chi rij ri winaq e kamisam ri’.

Eri k’amal b’e rech ri Escuela rech Ciencias Políticas rech ri USAC, Francisco Lemus Miranda, xuya’ ub’ixik che k’a pa 2014 e tob’anik ruk’ ri PNC pa le chak patan ri’ tajin kib’anom ri’, “pa le jun ub’anikil chak patan ri’ man k’ot jumul b’a’ ya’om wa’ jun tob’anik ri’ che ri PNC, emu wa’ kamik ri’ k’o chik 400 chi kajb’al chi chak patanik kojtajin che uya’ik ri’, are rech b’a’ eri eqa’lenelab’ qas kaketa’maj uwach ri rachochib’al ri USAC ri’”.

Are wari’ k’o nimalaj kupatanij we jun nimk’uttijonem ri’ ri kutun rib’ ruk’ ri tob’anem kuya’o ri Ministerio rech Gobernación, ri Instituto Nacional rech Estudios Estratégico rech Ub’anikil Ya’olchajinik ri’.

COMPARTIR