Eri uk’olib’al ya’olchajinik ri’ are ke’uq’i’o e 28 eqa’lenelab’ ajchajil tinamit rech k’o joremal, kub’sib’al k’u’x chi’ chi ke ri winaqilal pa Tinamit rech Usumatlán ri’, rumal ri’ xjaq chi’ ri k’ak’ uk’olib’al ya’olchajinik rech ri Wokajil Ajchajil Tinamit ri’ (PNC), rumal ri K’amal b’e Jimmy Morales xuquje’ ri Ministro rech Gobernación, Francisco Rivas Lara, ri K’amal b’e rech ri PNC xuquje’ ri ajkalte chi’.

Pa le utzijob’enik xuya’ ri K’amal b’e Amaq’ ri are xub’ij che we jun cholchak are rech kuya’o utzilem che ri tinamit are wa’ uwach ri k’iyalaj taq yakon uk’olib’alil ya’olchajinik che ri kayak na pa le kajib’ tinamit rech Zacapa xuquje’ are rajil pa ronojel 9 millones chi pwaqilem ri’.

“Pa le ya’olchajinik ri’ are xaqak’is uloq’ij 15000 chi ch’ich’ rech ya’olchajinik, are rech kakojik pa le ya’olchajinik ri’”, xcha’ ri K’amal b’e Amaq’.
Rumal ri’ eri Rivas Lara xub’ij che we jun yakonik ri’ are jun chi ke ri kajib’ rachoch Ajchajil tinamit ri chomam chik kayakik pa we junab’ ri’ xuquje’ are rech taqim ukojik pa le uloq’oxik ri winaq ajchak eqa’lenelab’ rech ri PNC.

Xub’ij chik are wa’ kuka’mulij k’amow uchak patan pa le kaloq’oxik ri eqa’lenelab’ ri’ che ri kechajin chi ke ri winaqil tinamit che ri e suk’ e jikom pa kik’aslemal ri e jaqal pa le tinamit rech Zacapa.

Xuquje’ xumaltyoxij che ri k’amal b’e rech ri Banco Interamericano rech ri K’iyemalil ri’ rumal rachb’ilanik xub’an pa le keb’ junab’ ri’ che ri xnajtib’ we jun yakonik k’a te xjaqataj uwach ri’.

“We kamik eri utaqawokaj ri K’amal b’e Morales xub’ij pa usaqilem xkojik le chakub’al ri’ xuquje’ are rech kuya’o utzil chi ke ri winaqil tinamit e aj iximulew ri’”, xcha’ ri Rivas Lara.

Rumal ri’ eri Oscar Gonzalez ajkalte rech Usumatlán sib’alaj xuya’ ub’ixik che ri uyakik xb’anik ri Subestación ri’ are rech uya’ik jun utzalaj ya’olchajinik chi ke e 11 mil 400 chi winaqilal rech taq aldeas El Chico, ri Mirador xuquje’ ri Vados.

COMPARTIR