Are rech uya’ik jun utzalaj b’anikil pa chuwe’q kab’ij chi ke ri k’ak’ winaqilal are wa’ tajin kakirayij konojel winaq ri’. eri winaqil e aj iximulew uj k’o pa jun b’antajil ri’ rumal ri’ sib’alaj kaqakoj qachuq’ab’ che ub’anik jun nim wa’ljisanik ri’.

“Eri b’okob’ rech ri Q’uq’” are ri ub’i’ ri utzijol k’aslemam tzij che ri kojom rumal ri Quinto Viceministerio Antinarcótico, rech ri Ministerio rech Gobernación, are kutzukuj kub’an pixb’anem chi kuxo’l taq ri ak’alab’ xuquje’ ri q’apojil pa juntir we amaq’ ri’ pa keb’ nim uwach pa le chak patan ri’, pa le uq’atexik tijow awan kunb’alil ri’ xuquje’ rech kuwa’lijsax ri b’iw b’anow k’ax ri’.

Eri utzijol k’aslemam tzij ri’ are k’o jo’ob’ uwach ri winaqixel ukojom chupam wari’, kajib’ chi ke rech kachib’al le q’atb’altzij antinarcóticas xuquje’ jun chik ri k’amow b’e amaq’, e are ri’ kakimaj uk’utik che kakaj keq’alin chi ke taq ri ak’alab’ kuk’ ri q’apojil ri’ rumal wa’ kakib’ij: “Maj tijow awan kunb’alil”.

Konojel kakiya’o pa k’utik ri kachomab’alil ri’, rech te k’u ri’ kakik’is ub’ixik che ri uk’amik kib’ ri q’atb’altzij kuk’ ri winaqilal are sib’alaj rajawaxik rech “tijonik, tob’anik xuquje’ rech keto’ik ri taq ak’alab’ kuk’ ri q’apojil e aj iximulew ri’”, rech ya’talil b’a’ pa jikomal jun utzalaj chuwe’q kab’ij ri’ rech majun kutij chik awan kunb’alil ri’.

Aretaq kakik’ex uwach le kik’aslemal ri’ are wa’ jun utzalaj k’utb’al kaya’ chi ke taq ak’alab’ ri’ aretaq kakil ri e ajk’ayin awan kunb’al ri’ kakirayij ta chik.
Man tzij taj ajk’ayil rech wari’ “xaq usipam rib’ ri’” ri kujit k’ok’ k’ayij chi ke keb’ taq ali aretaq keb’el loq pa tijob’al ri’.

Eri k’o pa le wuj ri’ are qas kujeq b’oq’uwach jun chi ke ri taq alaq’ ri’, eri alaj jun chik kub’ij ri’ “MAN KINTIJ TAJ, MALTYOX”, are wa’ kub’an che ri alaj rachi’l che ma kutij ta wa’ xuquje’ rumal ri’ keb’e kuk’ ri q’atb’altzij ri’ rech kakitzuj che jun ajchajinel, ri kuq’axaj ub’ixik chi ke ri eqa’lenel antidrogas rech ri Wokajil ajchajil Tinamit, ri pa komonchak pa taqawokajil keb’e che kchapik ri jun ajk’ayil awan kunb’alil ri’.

Eri utzijol le k’aslemam tzij ri’ ri’ are kak’isik ruk’ jun ki’kotirsanem che ri q’atb’alzij kakiya’ chi ke taq ali rumal xkiya’o ub’ixik chi ke xuquje’ te k’u ri’ xki’kokit kuwach ri’ chi rij k’o ri xb’antaj chi rij kumal.

We jun chakub’al ri’, are xwok ub’antajil ruk’ katob’anik rajchak ri comunidad internacional, are wa’ chakub’al kajach pa jalajoj taq tinamit pa we amaq’ ri’, che ri qas tajin kechakun wi ri Fuerza de Tarea pa komonchak rumal ri Quinto Viceministerio Antinarcótico, ri tajin ukojom uchuq’ab’ rech kuwa’lijsaj jun b’antajil no’jk’aslemam tzij pa ub’anikil we Iximulew ri’ maj utijik wi awan kunb’alil ri’.