Eri Uwachwuj pa kemamtzij tupista.gt  kuq’axaj b’iw ub’ixik loq kumal winaqil ri’

155

Eri winaqilal pa ronojel we amaq’ k’a we kamik ri’ kakiya’ loq ub’ixik che e k’o b’anow k’ax kakilo, rech awatil ub’ixik loq kakib’an ri winaq ri’, are rech ya’talik rech chinaq karaj ka’ok pa le sitio web tupista.gt maltyox che ri Nuk’chomab’al b’anom chi kuxo’l taq ri Ministerio rech Gobernación, ri Crimen Stoppers xuquje’ rumal ri wokajil k’o pa jun chik uq’atatal pa le ub’anikil ri Asociación Ciudades Seguras ri’.
“Eri chakub’al rech no’jb’anikil ri’ are kape che uya’ik uchuq’ab’ ri chak che ri katajin upatanixik ri’, ruk’ taq ya’ltzijol rech pa le kapixb’axik ri winaqilal rech wexa’ k’o kakilo rech kakiya’ loq ub’ixik ri’, are wa’ ub’anom upatan ri tzukunik b’anom chi rij ri’ uya’om pa retalil rech xechapik ri nik’aj molaj b’anol k’ax pa we amaq’”, xcha’ ri Ministro rech Gobernación, Francisco Rivas Lara ri’.

Xub’ij chik che we jun cholchak ri’ are k’o utz uwachinik uya’om pa nik’aj chik nimatinamit jacha’ pa taq Estados Unidos, pa Australia, Canadá, El Salvador xuquje’ pa taq nik’aj chik amaq’ nimatinamit naj ri’ are katajin reyexik jun b’anow chomanem pa komon taqawokajil ri’ rech ke’uwa’lijsaxik ri winaqil rech wexa’ k’o b’anow k’ax kakilo pa aninaqil b’a’ kakiya’ loq ub’ixik ri’.

Eri Salvador Paíz, K’amal b’e rech ri Asociación Ciudades Seguras, xuya’ ub’ixik ri’ che pa wuqub’ ik’ b’anow komon chak patan ri’ kumal ri Ministerio rech Gobernación, ri Wokajil Ajchajil Tinamit xuquje’ kuk’ ri empresas k’o ajtojol rech ri’ kakikoj na ri’ ri ya’ltzijol ub’i’ Crimen Stoppers pa we amaq’ ri’, pa le sitio web ub’i’ Tu Pista.gt kuya’ jun nim utzilem che ri winaq tinamit ri’, we jun uwachwuj ri’ kakowin che ujipixik uwach pa kub’sib’al k’u’x pa ronojel ri’ pa awalik ub’ixik chi rij taq b’anow k’ax ri’.

Eri Alejo Campo K’amal b’e pa Rulewal taq tinamit rech ri Crimen Stoppers xub’ij che we jun cholb’al chak ri’ pa taq tinamit pa uwachulew pa ka’winaq junab’ ri’ k’o chik ri’ xuquje’ man k’ot pa jun jumal tane’ b’anom k’ax chech ri’ chi rij ri ajb’il loq rech tzijol ri’, are wa’ ukub’sim uwach pa awatil juntir ri’.

“Eri winaq tinamit e aj iximulew rajawaxik ri’ kakub’ kik’u’x pa le cholchak ri’ xuquje’ are rech ya’tal pa uq’ijol rech kamajtaj ri nab’e taq ub’anom uwach chak ri’ xuquje’ rech kab’an ri nab’e chakunem kuk’ ri winaqilal ri’ are rech kakiya’ loq ub’ixik utzijol taq ri’ rech b’a’ kab’antaj kowinem kachapatajik ri jun ajpache’ uwach rib’ ri xresaj b’ik rib’ pa Hospital Roosevelt”, xcha’ ri Campo.

Eri ub’anikil ub’ixik loq pa kiq’ab’ q’atb’altzij ri’

Eri Campo xuya’ ub’ixik che jun winaqil che ri karaj k’o kuya’ loq ub’ixik ri’ yata’l chech ri’ rech ka’ok pa le uwachwuj ub’i’ tupista.gt  xuquje’ pa utukel kaq’aljin jun kajtzalaj wuj b’anikil ri’ chi’ k’u ri’ kub’ij chamajo b’a’ xuquje’ chi’ k’u ri’ kucholajisaj juntir uwach taq b’anow k’ax ri’, are ri’ kupetisaj uch’ob’ik pa uchomab’alil jun winaq ri’ le xuquje’ ya’tal kanajisax ri’ wene’ kanajisax taj, ruk’ ri tzijol kata che ri no’jisal rech xuquje’ eri ajb’il loq ya’tal chech kuterenb’ej le ub’antajil chi rij ri jun ximontzij ri’, rumal k’ut eri cholchak ri’ kukoj jun ajkojel rech ruk’ jun awan torb’al rech ri uwachwujil pa kemamtzij ri’.

COMPARTIR