Eri Viceministra Orellana xtotab’enik pa le Taqawokaj kech Ixoqib’ ri’

187

Eri Viceministra rech Q’atenik B’anoj K’ax, María Elena Orellana xtotab’enik pa le ukab’ molinik rech Taqawokaj kech Ixoqib’ (GEM) ri’, chi’ xya’taj wi utzijoxik ri chakum chik uwach rumal ri Wokajil Choman Tinamit rech Kuwa’lajsaxik ruk’ Kak’iyemal pa juntir ri Ixoqib’ pa le 2008-2023 ri’.

Eri juntir chakum chik uwach kumal taq le 34 taqawokajil ri’ kojom chik jun Jachakunb’al rech k’utuyeb’al junamil ri’, pa taq le taqawokajil pa le Ministerio rech Gobernación pa le ik’ rech marzo ri’.

Chi rij k’u wa’ eri viceministra Orellana xuya’ ub’ixik che k’ate kanoq ri’ xkoj pa jumul chik ri Taqawokaj rech k’utuyeb’al junamil ri’, ri xoksax ri’ pa le junab’ 2011 xuquje’ ri katajin ta ri’ che uchak patan ri’. K’a chi’ k’u ri’ k’ob’anaq pa jun q’ijol rech etab’anik ri’ are rech kilik kachomaxik ri rajawaxik che ri taqawokajil ri’ ruk’ taq ri uq’ab’il ri’ xuquje’ rech kachomaxik kakojik ri cholchak rech chakunem chi rij uwachtzijonem rech ixoqib’ ri’, rech chi rij taq alab’om alitom e k’ak’al winaq ri’ xuquje’ rech chi rij ri taq k’ib’antajik ri’.

 “Eri Ministerio rech Gobernación eri nim uwach uchak patan ri’ are rech chakunem rech q’atenik b’anoj k’ax kab’an chi ke ixoqib’ ri’, rumal k’u ri’ kojtajin che tob’anem pa le GEM ri’ xuquje’ rech kujtajin che uya’ik ri tob’anik pa le cholchak rech b’anoj utzil chi ke taq ri ixoqib’ e aj iximulew ri’”,  xcha’.

Eri chak patan ri’ kojtajin che ub’anik ri’ are k’o pa usaqilal pa le Chomab’al Tinamit rech Q’atenik B’anoj K’ax ri’, ri Chajitalil Winaqilal xuquje’ ri K’amow ib’ pa Joremal pa le 2014-2034, , ri ya’tal ri’ pa uwokajil ri chajitalil chi ke ri ixoqib’ ri’ k’a chi la’ k’ut pa le uchomaxik ch’ob’otal chak ri’.

COMPARTIR