Eri ub’anik pa aninaqil ri’ ruk’ ri ub’eyal ya’olchajinik ri’ are tajin kuya’o kub’sib’al k’u’x chi ke ri aj iximulew ri’, jeri’ xuya’ utzijol ri ri viceministro Antinarcótico, Oscar Dávila Mejicanos, xkub’isaj ub’ixik che ri chak kib’anom ri wokajil ajchajil tinamit ri’ ruk’ utob’anik le naj nimatinamit ri’ are tob’anaq rech xek’i ri winaq che b’anom ximonik loq.

Ruma ri’ e pa le junab’ 2016 ri’, k’o 2 mil 956 b’anowtzij xb’an loq chi rij b’anow elaq’ toq’inik pwaq chi ke winaq ri’, rumal e pa le 2017 k’o 3 mil 100 chi ub’ixik xb’an loq, rumal ri’ xb’antaj kowinem xechapataj e k’i e ajk’ayin awan kunb’alil ri, e k’o e k’i molaj b’anol k’ax xechap ri’ xuquje’ e k’o taqanel chi ke molaj b’anol k’ax xechap ri’.

Rumal ri’ eri Dávila Mejicanos, xuya’ utzijol che ri Iximulew ri’ are utunum rib’ pa komonb’al kuk’ ri wokajil jacha’ riWokajil Ajchajil Tinamit ri’, ri Ajchajil Amaq’ Iximulew, ri Ministerio Público, ri Organismo Judicial xuquje’ kitob’anik le naj nimatinamit ri’.

“Pa no’jimal qilom k’ut che k’o xeq’atatajik ri’, xaqak’ex k’ut kilob’alil ri winaqilal ri’, kojtajin k’ut che uch’akik xuquje’ k’o karaj na kachakuxik, rumal ri’ kojtajin k’ut che uchakuxik ruk’ tijowchuq’ab’ ri’”, xcha’ ri Dávila Mejicanos.

We jun q’axaltzijol ri’ are xya’taj pa le Ukab’ Nimb’anow chomanik Centroamericano rech uq’atexik ri molaj b’anol k’ax kakib’an k’ax kamisanik pa taq Rulewal juyub’ ri’, are wa’ chomanik xb’an pa Antigua Guatemala, chi’ k’u ri’ xetatb’en wi e 80 e ajno’jchakunel rech Tob’anem xuquje’ rech Ya’olchajinik ri’, rech Estados Unidos, El Salvador, ri República Dominicana, Panamá, Canadá, Guatemala, Honduras, Costa Rica, México xuquje’ pa Colombia.

Eri utaqim ri jun k’uttijonem ri’ are rech kasolixik uwach taq ri b’anow k’ax pa we juyub’ taq’aj ri’, rech keraqik ri nuk’wokajil b’anow kamisanem ri’, ri ya’olchajinik pa uwachwujil pa kemamtzij ri’.

 

COMPARTIR