Eri viceministro Antinarcótico, Oscar Dávila Mejicanos xopan pa jun solinem pa le kachoch ri Fuerza rech Tarea Tecún Umán rech xkisolij ri ya’olchajinik katajin pa k’ulb’a’t juyub’ ruk’ México rech ukowirsaxik ri chajinik ri’ xuquje’ rech ri uq’atexik ri k’ayin awan jastaq, ri awan kunb’alil xuquje’ ri uq’atexik b’anow k’ax chi ke winaq ri’.

Pa le solinem ri’ achb’ilam rumal ri taqanel rech ri Estados Mayor rech ri Defensa, Juan Manuel Pérez, Viceministro rech Tijonem José Moreno ruk’ ri Silvia de León, Secretaria rech ri Consejo Nacional rech Ya’olchajinem ri’, e are k’u ri’ xe’achb’ilan pa taq le ya’olchajinik ri’ che ri xkoj pa taq le k’ulb’a’t juyub’ amaq’ pa le uwach ri Plan Fortaleza ri’.

Eri Plan Fortaleza pa komonchak pa taqawokajil ri’ are tajin kakichakuj are rech uya’ik uchuq’ab’ ri ya’olchajinik pa taq k’ulb’a’t juyub’ amaq’ ri’ ri e are jun xetatb’enik ri wokajilal jacha’ ri Ministerio rech ri Gobernación, ri Ministerio rech ri Defensa fxuquje’ ri  Superintendencia rech Administración Tributaria (SAT).

Eri Viceministro Dávila xub’ij che ri Ministerio rech Gobernación xtatb’en pa le Plan Fortaleza pa le kichak patan ri Fuerzas rech Tarea Interinstitucionales ri k’o pa reqale’n ri Viceministerio ri’.

Are wa’ jun cholchak che ri kutzukuj uya’ik uchuq’ab’ ri ya’olchajinem pa taq k’ulb’a’t juyub’ ri’, eri nab’e uwach are kab’an pa le juyub’ tinamit rech Petén, eri ukab’ uwach are k’o k’olib’al b’anow tzukunik kab’an pa taq k’ulb’a’t juyub’ ruk’ El Salvador xuquje’ Honduras xuquje’ eri kab’an chik ri’ are ri urox uwach ya’olchajinik kab’an ri’ pa taq le juyub’ tinamit ri k’o ajsik ri’ ruk’ México xuquje’ chi uchi’ saplow ri’.

 “Ruk wa’ jun b’anow ch’ab’enik ri’ are kaqeyej rech kakojik ri urox uwach ri ya’olchajinik rumal ri plan fortaleza are rech kuq’atij uwach k’ulb’a’t juyub’ ruk’ taq ri amaq’ tinamit Iximulew ri’”, xcha’ ri Dávila.

Eri taqanel rech ri Estado Mayor, Juan Manuel Pérez xuya’ ub’ixik che ri urox uwach kakoj ri’, are wa’ keyexik kato’ qas uwach ri’ pa le 900 Km., pa k’ulb’a’t juyub’ ruk’ México.

 “Kaqeyej kaqatun qachak qapatan pa wokajil rech kaq’atexik ri b’iw taq b’anow k’ax kamisanik ri’ xuquje’ rech kachomaxik jas ri kapatanixik pa chuwe’q kab’ij ri’ rech qastzij b’a’ kab’an utz che ri chakub’al rech kakoj pa jikomal utaqixik ri chomam chik ri’”, xcha’ ri Pérez.

COMPARTIR