Eri Viceministro kub’ij: ri ya’olchajinik are qilonik qonojel b’a’

240

Eri El Viceministro rech Seguridad, Ricardo Guzmán, xopan pa jun sik’inik xb’an che rumal ri Comisión rech Transparencia rech B’anol Taqanib’al pa Amaq’, chi la’ pa Antigua Guatemala, rech xopanik xuya’ ub’ixik ri ub’anikil ya’olchajinik b’anom chik rumal ri Comisaría 74, xuquje’ chi rij ronojel ub’eyal ya’olchajinik b’anom rumal ri Mingob ri’ pa le q’atenik b’anol k’ax ri’ pa ronojel ri juyub’ tinamit rech Sacatepéquez ri’.

Pa le yakonik ri katajin ri’ xuya’ ub’ixik che ri chakunik ri’ k’o chik pa jun 42 por ciento ub’antajik ri’ xuquje’ chi rij katajin jun q’atoj tzij chomanik chi rij ri’ ruk’ nik’aj chomanik ruk’ ri ONG ri’ ri k’o pa uya’tajil ri’ rech kak’is uwach ri tob’anem chakunik ri’ rumal ri Ministerio rech Comunicaciones ri’.

En k’u ri ub’eyal ya’olchajinik pa taq ri uq’ab’il tinamit ri’, eri viceministro Guzmán xub’ij che ri ya’olchajinik pa komon kab’an ri’ chi’ kuk’ ri q’atb’altzij ri’, ri k’amol b’e tinamit, ri ajb’anol taqanib’al, ri ajkalte’ib’ xuquje’ kuk’ ri winaq tinamit ri’ juntir rumal k’u ri’ xesik’ixik konojel ri totab’inel keraqataj chi’ k’a pa taq ri keqale’nib’alil keraqataj wi pa taq katinamit ri’ rech kakimol kib’ juntir rech kakiq’atij ri b’anoj k’ax pa taq kik’olib’alil ri’.

Eri Guzmán xuya’ ub’ixik che utz we kanimaxik ri Taqanik rech maj k’ayin tzam ri’ rech kuya’ taq chik uchuq’ab’ ri b’anoj k’ax pa taq tinamit ri’ ri kojom chuwi’ ri loq’ taqanik ri’, rumal ri’ xuta chi ke ri ajkalte’ib’ rech ketob’anik ruk’ wa’ xuquje’ rech kakikojo jun ub’eyal ya’olchajinem pa taq katinamit e jaqal wi’.

Xub’ij chik che maltyox b’a’ che ri cholb’al chak MOPSIC, rech ri PNC, rumal ri’ eri eqa’lenelab’ chajinem ri’ tajin k’ut kemolin kuk’ ri komon winaq, ri are uya’om pa jikomal ri’ rech ketzijob’en kuk’ ri’ xuquje’ rech tajin kakikojo ri ub’anikil q’atenik b’anoj k’ax chi’ maltyox b’a’ rumal k’o kakib’ij loq ri kak’ulmataj chi’.

Eri Viceministro rech Ya’olchajinik ri’, xuquje’ xk’oji pa jun molinik kuk’ ri ajkalte’ib’ rech ri Sector Sur, rech tajin ketzijon chi rij chomanik pa taq ri q’atb’altzij rech Villa, rech Mixco, rech Amatitlán, rech Villa Canales, rech b’a’ kakimol kib’ che kiq’atexik ri b’anol k’ax pa taq ri uq’ab’tinamit ri’, ri xa’rumal ri’ xchomaxik kasuk’ub’ax ri jumulaj nuk’ul esab’al wachib’alil rech ya’olchajinik chi’.

Eri Viceministro xrechb’ej rech xuta’o chi ke ri totab’inel chi’ rech kakikojo juntir uwach taq cholchak ruk’ ri ch’ob’otal chak che ri viceministro k’o pa reqale’n ri tajin che ukojik ri’, rech sib’alaj xuya’ ub’ixik che ri ya’olchajinik kub’sib’al chi’ are keqale’n konojel ri komon winaqilal ri’ xuquje’ xuta’ jujun taq uno’jib’alil ruk’ ri ch’ob’otal chak ri tajin upatanixik pa taq le uq’ab’tinamit ri’ rech kaya’ ta kan ub’anik ri’ xuquje’ rech kaya’ pa ukojik pa ronojel uwach juyub’ taq’aj tinamit ri’ pa keqla’nik ri Asociación Nacional rech ri komon Q’atb’altzij (ANAM) ri’.

 
COMPARTIR