Eri Viceministro rech Ya’olchajinik xuya’ utzijol chi rij ri chak b’anom chik pa le kiq’atexik elaq’omab’ e ajtoq’il pwaq

364

Eri Viceministro rech Ya’olchajinik, Ricardo Guzmán ruk’ ri’ K’amal b’e Wokajil Ajchajil Tinamit, Nery Ramos Ramos xuquje’ ri K’amal b’e rech ri Sistema Penitenciario, Juvel de León, ri xe’opan pa jun nim riqb’al ib’ e sik’im wi rumal ri Comisión rech Gobernación rech ri Congreso rech pa Amaq’il ri’ rech xkiya’ utzijoxik chi rij ri chakum chik rumal ri ya’olchajinik pa le junab’ 2017 xuquje’ ri q’atenik b’anom chi ke ri elaq’omab’ e ajtoq’in pwaq chi ke winaq ri’.

Eri diputado Napoleón Rojas, K’amal b’e rech ri Comisión xuya’ ub’ixik ri’ che ri taqim pa le sik’inem xb’an chi ke are rech k’o kakiya’ ub’ixikil chi rij ri chak ub’anom ri Ministerio ri’ pa le ya’olchajinik chi ke ri winaq rech kub’sib’al kik’u’x ri’. Rumal ri’ eri Viceministro Guzmán xuya’ reta’maxik che pa we junab’ ri’ eri Ministro rech Gobernación, Francisco Rivas Lara are qax xq’atexik ri’ e are ri e ajb’anol toq’inik pwaq, ri b’anow k’ax chi ke ri ixoqib’ ri’ xuquje’ ri b’anow k’ax elaq’ che ri umeb’il ujastaq amaq’ tinamit ri’.

Eri Viceministro Guzmán xuya’ ub’ixik che k’o jumulaj chak patan xb’antajik rech xch’ob’otaj kuwach ri molaj b’anol k’ax e ajtoq’inel pwaq pa we amaq’ xuquje’ pa amaq’el katajin jun komonchak ya’olchajinik ri’, rumal ri’ e k’o 25 molaj b’anol k’ax xeq’atataj pa le b’anow k’ax maj pa usaqil ri’ xuquje’ pa ronojel q’ij e k’o jo’ob’ pa taq lajuj chi winaq xechapataj chi rij rumal b’anow k’ax ri’.

Eri xq’atexik pa taq japache’ ri’ are ri b’anow ch’a’wnik pa taq ch’a’wb’alil rech toq’inik pwaq, rumal ri’ k’o Q13 millones chi pwaqilem xkoj pa le uloq’ik xuquje’ pa le ukojik ri scanner rech kakoj chi kij ri winaq xuquje’ ri jastaq rech kilik we k’o kik’amom b’ik maj pa usaqil kakikoj pa taq le japache’ ri’ rech xq’atex ri’.

We nik’aj chakub’al ri’ rech ya’olchajinik are xkoj ri’ pa taq le japache’ ri qas kak’ulmataj wi ri b’anow k’ax ri’: Pache’ rech zona 18, Pache’ Santa Teresa xuquje’ pa le Anexo B, pa le Granja rech niman tojb’al mak Pavón, Pache’ kech Achijab’ Boquerón, Pache’ rech tojb’al mak pa Canadá xuquje’ pa El Infiernito.

Xuquje’ aretaq xunimaxik xutaq upatanixik ri Ministro Rivas rech pa komonb’al kumal ri eqa’lenelab’ rech ri Wokajil Ajchajil Tinamit xuquje’ ri rech ri Sistema Penitenciario rech xkoj jun cholchak rech pa amaq’el k’o b’anow tzukunik pa taq le japache’ che ri eta’mim wi kel wi loq b’anow toq’inik pwaq xuquje’ b’anow taqom kikamisaxik winaq ri’.

Eri taqawokajnel ri’ xuya’ ub’ixik che k’o xchakuxik xchomaxik kuk’ ri wokaj ajchoq’e ch’ich’ rech erelwinaq pa taq tinamit, kuk’ ri keb’e naqaj pa tinamit ri’, rech xya’taj chi’ ya’olchajinik chi ke xuquje’ rumal wa’ k’o xb’antaj kowinem rech xeq’atexik e k’i molaj b’anol k’ax ri’ pa le k’isb’al junab’ rech pa junab’ ri’ eri qas xq’atexik uwach ri’ eri b’anow k’ax toq’inik pwaq ri’.

Eri K’amal b’e rech PNC Nery Ramos xuya’ ub’ixik che xuquje’ e k’o k’i molaj b’anol k’ax xechap ri’ pa jun nimalaj sak’ajil b’anow tzukunik ruk’ ya’olchajinik che xb’antaj ri’ pa oxib’ uwach ub’anikil ri’: rumal pa le xya’taj b’iw ub’ixik ri’ pa taq le rajilab’al retal ri 1574 xuquje’ 1561, rumal ub’anik ri uch’ob’ik ri k’ax kuk’ulmaj ri winaq ri’ xuquje’ ri oxib’ uwach chik are jun uwokib’al uwach rech kakub’isax ri kik’aselmal ri winaq ri’ rumal keraqataj chi’ ri PNC.

COMPARTIR