Eri Viceministro Romero tajin kusolij ri cholchak patan rech q’atel k’ax pa Chimaltenango

168

Eri Viceministro rech Q’atel k’ax, Axel Romero k’o jun nim b’enam xub’an pa taq le juyub’ tinamit rech Chimaltenango rech xopan pa usolixik ri cholchak patan rech q’atel k’ax katajin ri’ kuk’ ri alab’om alitom ri’, chi ke ri’ eri kiraqom k’ax ri’ rumal e nimanel ta ri’.

Are wa’ jun cholchak ri’ ri kojom pa chak patan ri’ k’a pa le junab’ 2016 ruk’ nim utob’anik ri Q’atb’altzij rech pa tinamit ri’ xuquje’ ruk’ ri nim Utob’anik ri Cooperación Española xuquje’ ri PNUD. Chi’ k’u ri’ e k’o 300 chi alab’om alitom tajin ketatb’en pa taq le jalajoj ilb’anik rech etz’anemb’alil xuquje’ rech ketijoxik ri’.

Chi ke ri e 110 chi alab’om alitom  xetatb’en chi ke pa taq le komon rech tatb’enem Alab’om Altiom ri’ pa le uwachtzijonemtzij rech k’amow b’eyal chomanik pa komonb’al winaqil ri’ el ya’tal ri’ rumal ri Unidad rech Prevención Comunitarias rech K’ax ri’ UPCV, e 120 e k’o pa le programa rech Grupo Ceiba, chak patan rech prevención comunitaria xuquje’ e k’o 60 chi ak’alab’ chik e k’o pa q’atoj tojb’al mak ri’, xuquje’ man xaq ta ri’ k’o kaketa’maj xane’ rech k’o jun chak patan kaketa’maj ri’ rech are kupatanij chi ke aretaq ketzalij chik pa taq katinamit ri’.

Eri Viceministro Romero xuya’ ub’ixik che we jun ub’eyal cholchak ri’, are katajin upatanixik pa Chimaltenango rumal le ub’antajil uwach ri juyub’ tinamit ri’ xuquje’ jeri’ pa kajilab’al ri alab’om alitom che ri e k’o pa q’atoj tzij tojb’al mak ri’, chi’ k’u ri’ are katzukuxik rech ketatb’enik ri rech nik’aj chik taqawokajil ri’.

“Rumal ri’ e sik’im k’ut nik’aj taqawokajil rech ketob’an b’a’ pa le jun ub’anikil ya’talil kikojik ri alab’om alitom pa le b’anow utzilem chomanik chi ke ri’ xuquje’ are wa’ keresaj pa taq le k’axk’olil keraqataj wi xuquje’ pa taq le q’atoj tzij tojb’al chi ke ri’”, xcha’ ri Romero.

Eri Carlos Simaj, Ajkalte rech Chimaltenango, xuya’ ub’ixik che qastzij b’a’ kiya’om kipatan kitzij pa le ub’anik utz chi ke ri alab’om alitom rech kesuk’umax ri’ rech tech k’u ri’ ya’talil kitzalajem pa taq kachoch ri’ xuquje’ pa le cholb’al chak patan ri’ are wa’ xb’antaj kowinem xpatanix ri’ pa taqawokajil xuquje’ ruk’ nim utob’anik ri cooperación internacional ri’.

“Tajin b’a’ rilik rech kaya’taj jun nim kiya’ik ri alab’om alitom ri’ rech chinaq chi ke kikaj ketatb’en ri’ ya’tal ri’”, xcha’ ri Simaj.

COMPARTIR