Eri Viceministro xujach’ pa uq’ab’ ri K’amal b’e Amaq’ ri Wujilal ri Chomab’al rech kato’ik ak’alab’ ri’

165

Eri viceministro rech q’atel b’anow k’ax xuquje’ ri k’amal b’e rech ri Komon Chomanelab’ kech Ak’alab’ xuquje’ e Q’apoj Alab’om Alitom pa Tinamit, Axel Romero, xuk’ut ri’ xuquje’ xujach pa uq’ab’ ri K’amal b’e Amaq’il, Jimmy Morales, ri Wujilal rech Chomab’al xuquje’ rech Cholchak Ya’oltob’anik chi ke Ak’alab’ xuquje’ e Q’apojil ri’  (2017 – 2032).

We jun ub’eyal ri’ are kajib’ uwach chak k’o chupam ri’, are chi rij ya’ol uchuq’ab’ ri b’anikil rech pa le kato’ik xuquje’ unimaxik ri ya’talil chi ke ri ak’alab’ pa we amaq’ ri’.

Eri Romero xuya’ ub’ixik che we jun tijowchuq’ab’ pa komon wokajilal ri’ are rech katzukuxik uchomaxik uya’ik utzalaj taq b’anikil pa kik’aslemalil ri taq ak’alab’ ri’ xuquje’ ri e q’apoj alab’om alitom pa le komonchak ri’, xkub’isaj ub’ixik che ri okem pa le b’anow tijob’enik, utzwachil, b’antajil, etzb’anem, je’lb’anikil, ruk’ wa’ rilik ri’.

“Eri nab’e uwach ri Chomab’al ri’ are ri’ rech kach’ob’ uwach ri chak kumal ri wokajil rech tob’anik chi ke ri ak’alab’ ri’, eri ukab’ uwach ri’ are rech utiqik b’anow chakunik, pa le ya’ol ilonik rech pa le katzuqik ri’ ri taq ak’alab’ che qas e nitz’ na, rech k’o tijonem chi ke xuquje’ rech k’o cholchak rech k’iyemal chi ke ri taq ak’alab’ ri’, rech te k’u ri’ k’o jun utzalaj b’anow kab’an pa uk’isb’alil ri’ xuquje’ ruk’ wari’ kach’ob’ik jas ri kab’an chech ri’ rech k’o k’ak’ taq cholchak kekoj chi ke ri’” xcha’.

Eri k’amal b’e amaq’, Jimmy Morales, xuya’ ub’ixik che we jun chakub’al ri’ k’o nim upatan, rumal k’ut are wa’ kuya’o nim tob’anik xuquje’ nim loq’onik che ri kik’aslemalil ri taq ak’alab’ e aj iximulew ri’, are wari’ qas runimal chak katajin che ub’anik ri Taqawokaj ri’.