Eri winaq e q’axnaq pa jun amaq’ tinamit ri e taqom loq xechapatajik aretaq xe’opan pa qatinamit ri’

153

Ronojel q’ij e k’i k’o winaq tajin ke’ok loq pa qatinamt ri’ e k’ochi ke kapetik pa México xuquje’ pa Estados Unidos rech Norte América, kuk’ winaq ri’ che ri kichapom b’enam rumal e b’enaq naj ri’, ri e k’o chi ke ri’ taqom kichapik rumal jun b’anow k’ax kib’anom ri’, rumal ri’ eri Taqanel rech ri Sección rech Operaciones rech ri División rech ri Policía Internacional INTERPOL- Guatemala ri’ rech ri Wokajil Ajchajil Tinamit ri’, Ángel Méndez, jeri’ xuya’ ub’ixik ri’ che ri komonb’al naj tinamit ri’ are tajin kuya’ pa retal we jun ub’ankilem ri’.
Eri Méndez ri xuya’ ub’ixik che ri pa we junab’ ri’ k’o 90 qawinaq ri’ e chapom loq rumal xkaj xkiq’axal ri k’ulb’a’t pa taq amaq’ib’ ri’ xuquje’ kuk’ ri keraqataj chi la’ amaq’ rulewal americanos ri’.

“Eri b’anow k’ax makaj ri’ che ri qas b’anom kumal e jo’lajuj winaq ri’ xechap loq rumal xkaj ta xkiya’ kipwaqil kachalalil ri’, e k’o 9 k’o kikamisam ixoqib’, e k’o 8 chik kikamisam winaq ri’ xuquje’ e k’o 7 kib’anom chi ke ixoqib’ kuk’ alitom ri’, k’o nik’aj chik rumal xa’ xkimoxirsaj kib’, nik’aj rumal kib’anom itzel b’anow k’ax ri’ ruk’ nik’ak chik kimak ri’”, xcha’ ri Méndez.

Eri taqanel ya’olchajinik ri’, kub’ij k’o q’ij ri’ eri winaq che ri k’o k’ax kib’anom ri’ kesam b’ik kib’ pa qatinamit ri’ rech kechap taj ke’oksax pache’ ri’ xuquje’ eri e chapom ri’ rumal kikaj kiq’axim k’ulb’a’t juyub’ mexicanas xuquje’ estadounidenses.

Rech ke’ilik ri winaq e aj iximulew ri’ we taqom kichapik ri’, eri Méndez xuya’ ub’ixik che e are ke’ilik pa taq le chol kib’i’ winaq ri’ che ri naj taq chik karaj ketaq loq pa xik’ach’ich’ rech ketaq loq chi’, rech kach’ob’otaj kuwach aretaq ke’opan pa qatinamit rech kechap ri’.

“We kamik aretaq karaqataj kib’i’ pa taq le wujil ri kib’i’, uq’ij kalaxib’al xuquje’ wexa’ k’o jun tzijol qast k’o pas ri’ kaqatzukuj b’a’ le ub’anikil MI3 kil katzijol chu uwi’kaq’ab’ ri’, rech te k’u ri’ qas kak’oji pa saqil jachike qas ktzijol ri’ xuquje’ wexa’ taqom kichapik ri’ rech kechapik kek’am pa Nimq’atb’altzij pa Uk’u’x Nimatinamit ri’”, xcha’ ri Méndez.

COMPARTIR