Eri winaqil rech El Asintal, pa Retalhuleu xkimaltyoxij pa migración rumal xkoj jun jachakunb’al rech pa tinamit ri’

172

 

Eri Marco Tulio Sosa Rojas are k’o ruk’ ri rachalal pa le juyub’ tinamit rech El Asintal pa le rulewal ri tinamit rech Retalhuleu xub’ij eri xb’antaj ri’ rumal ri’ Dirección General rech Migración ri’ pa le ukojik jun jachakunb’al rech chi’ are k’o nim utzilem kub’an chi ek ri winaqil e aj iximulew ri’.

“Qastzij ri’ eri uj kaqach’ob’o are wa’ jun nim b’anow utzil kab’an chaqe uj rech xk’am loq jun jachakunb’al ri’ pa Xe’laju’ are man kojb’e ta chik che resaxik ri wujq’axb’alil k’a pa uk’u’x nimatinamit ri’, rumal ri’ man k’ot chik b’enam kaqab’an pa taq ch’ich’ rech kojb’e jela’, man k’ot chik pwaq kaqasacho rech kojwar wi’, rech tojb’al qawa xuquje’ rech tojb’al ch’ich’ kojuk’am b’ik ri’”, xcha’ ri Sosa Rojas ri’.

En k’u we ri Migración kape quk’ pa qatinamit ri’ are man k’ot chik qaq’ij kaqasach che resaxik qawujilal ri’ xuquje’ man k’ot chik pwaq kaqasach tane’ ri’ sib’alaj pa aninaqil chik kaqesaj ri qawujilal chi’ rumal k’ut xaq pa 20 minut chik xumaj resaxik uwujq’axib’al ri alaj nuk’ajol ri’.

Ri jun winaq rech El Asintal junam ri’ xub’ij che are wa’ jun nim utzilem chi ke nik’aj chik winaq e pa le juyub’ tinamit ri’ are wa’ jun nim tob’anik chi ke konojel ri winaqilal che ri keraqataj naqaj panqo xuquje’ chi ke ri kakesaj ri wujilal ri’.

K’o 150 resaxik chi wujq’axib’al ri’ kesax ronojel q’ij chi’

Eri Lourdes Guzmán, rech ri Dirección General rech Migración (DGM) rech ri jachakunb’al rech esab’al wi’ ri wujq’axib’al ri’ xub’ij eri wujilal ri’ are kamajtaj uya’ik pa le majb’alil rech ik’ marzo ri’, are ri’ pa aninaqil utz chik resaxik kab’an kumal ri winaqilal rech El Asintal ri’ xuquje’ kumal nik’aj chik winaqilal e k’o panoq chi’ pa le rulewal tinamit rech Retalhuleu ri’, rech pa le resaxik ri nab’e wujq’axib’alil ri’, rech pa le uk’exik ri’.

Ruk’ wari’ are rech man k’ot chik chom pwaq kakisach tane’ chik ri winaq ri’ pa le resaxik ri wujilal ri’ xuquje’ rech man keb’e taq chik pa Xe’laju’ che resaxik ri’.

Eri jun winaqil rech Migración kub’ij pa ronojel q’ij ri’ k’o 150 chi wujq’axib’al ri’ katajin uya’tajik pa le DGM ri’ are wa’ sib’alaj rumal utz ri chak katajin rumal ri’.

Eri Guzmán xub’ij che ri ub’anikil resaxik ri’ are wa’ katajin ub’anik pa taq le juyub’ tinamit rech Chiquimula, Petén xuquje’ chi saq che we amaq’ ri’, jacha’ tane’ pa México le katajin wiri’ uya’ik jacha’ katajin ub’anik taq le uq’ab’ taq tinamit rech pa we amaq’ ri’.