Eri Wokajil Ajchajil Tinamit katajin che tob’anik chi ke winaq pa katinamit rumal ri k’ax katajinik

141

Are wa’ uwach ri Ub’anikil ri K’ak’ Taqaem Wokajil Ajchajil Tinamit rech Ya’olchajinik pa Tinamit Winaqil ri’ (MOPSIC), eri eqa’lenelab’ rech ri jo’ob’ comisarías rech ri ya’olchajinik xuquje’ rech q’atel b’anow k’ax pa taq tinamit ri’ che ri xub’an wi k’ax ri jab’ pa we amaq’ ri’.

Eri Ministro rech Gobernación, Francisco Rivas Lara, xub’ij eri uwach taq ri ya’olchajinik ri’ are xchomaxik pa komon kab’an kuk’ taq ri comisarías pa tinamit ri’ rech ketob’anik pa taq le tinamit che ri xub’an wi k’ax ri’ kuk’ taq ri Gobernaciones, ri Q’atb’altzij xuquje’ ri CONRED ri’.

“katajin ub’anom pa komonchak kuk’ taq ri comisarías pa taq tinamit, ronojel uwach tob’anik chi ke ri winaq tinamit e aj iximulew ri’ che ri kiraqom ri k’axk’olil rumal kaj ulew ri’, chi la’ ajsik xuquje’ pa taq’ajil juyub’ pa amaq’ ri’, rech k’ax ta uya’ik ri ya’olchajinik ri’ xuquje’ rech kakib’an chak patan rech kesaxik winaq pa k’ax ri’ xuquje’ rech kakilo kakichomaj ri winaq pa taq katinamit che ri kiraqom wi k’ax ri’”, xcha’ ri Rivas.

We chak patan ri’ are katajin ub’anik kumal ri taqanel rech ri Comisarías che ri pa amaq’el ketajin che chomanik kuk’ ri K’amal b’e Tinamit xuquje’ kuk’ ri e Ajkalte’ib’ ri’ rech kakich’ob’o uwach taq ri kupetisaj unimal k’axk’olil che ri tajin kakiraq ri tinamit wiaq rumal ri nima jab’ katajin ri’.

Eri eqa’lenelab’ rech ri Comisarías No. 41 Xe’laju’, No. 42 pa San Marcos, No. 44 Chinab’jul, No. 22 pa Suchitepéquez xuquje’ No. 34 pa Retalhuleu ri’, katajin k’ut che ub’anikil chak patan rech ya’olchajinik pa taq nimab’e ri’, rech ub’anik jikom che ri wa’katem pa taq nimab’e ri’ xuquje’ rech ketajin che unojisaxik jul pa taq nimab’e ri’ rumal are wa’ ri nimak’ax tajin kuya’ chi ke ri winaq tinamit chi’.

Eri chak patan ri’ are ub’anikil uwach le chak rech ri MOPSIC  pa tinamit jeri’ uwach ri k’ak’ reta’mab’al kojb’al chomab’al ronojel q’ij rech uchak patan ri PNC ri’, ri kachoman kuk’ ri e ajchajil tinamit xuquje’ ri e ajk’amal b’e ri’ rech uch’ob’ik uchomaxik ri k’axk’olil che ri kub’an k’ax ri’ xuquje’ rech katob’anik pa b’anow chomanik ri’.

COMPARTIR