Eri Wokajil Ajchajil Tinamit xchapataj kumal jun itzelalaj b’anol k’ax pa zona 21

61

 

Pa le 3 calle lote 115, Asentamiento Monseñor Gerardi, zona 21, e reqa’lenelab’ ri División Especializada rech Investigación Criminal (DEIC) xuquje’ rech DIPANDA rech ri Wokajil Ajchajil Tinamit (PNC), kuk’ ri Q’atol tzij rech ri Ministerio Público (MP) xchapataj kumal jun itzelalaj b’anol k’ax, kab’ixik are sib’alaj xutoq’ij pwaq chi ke ajchoq’e taq k’ayib’al xuquje’ chi ke taxistas pa taq k’i wokja rech pa uk’u’x nimatinamit ri’.

Eri q’atb’altzij ajchajil tinamit xkiya’ utzijol che ri jun winaq xchapataj ri’ are; a Anthony Francisco Damián Majano 18 ujunab’, kab’ixik are e ajkamisal winaq ri’, eri jun Homie are uwinaq ri clica Latin Family rech ri Barrio 18 ri’.

Ruk’ wa’ jun winaq ri’ e 18 chik e chapom chik kumal ri wokajil ajchajil tiamit pa taq le 88 b’anow tzukunik xkib’an pa juntir we amaq’ tinamit ri’.
E nik’aj molaj b’anol k’ax ri’ xeq’alajinik che pa taq ch’a’wb’alil kech’a’w panoq chi ke ri winaq che ri xkib’ano k’ax chi ke ri’, rech xkitoq’ij pwaq chi ke. Eri winaq xkib’an k’ax chi ke are xkitoq’ij rech xakikojo ri pwaq pa taq pwaqb’al ja pa taq wuqq’ij ri’, panik’ajil ik’ xuquje’ chi taq ik’ ri’ rech kakib’an ta k’ax chi ke ri’.

Eri nab’e taq utzijolil ri’

We kamik ri’ eri e ajchajil tinamit kichapom chik: a Jose Manuel Sosa Matul, alias “Skrapy”(taqanel pa uxo’l pa tinamit ri’), ri Malacatán, Jackelin Amarilis Cifuentes Choy 24 ujunab’ pa Santa Catarina Pinula, a Lester David Marcelino Godoy Fuentes, pa Villa Nueva, ri Neydi Fernanda Alvizures Juárez, xchapataj pa zona 18, al Ana Marilyn Sajic Marroquín pa zona 18, a Gerson Leonel Ramos Pelico, pa Coatepeque, Xe’laju’, a Daniel David Rivera Gamarro, al Esther Shalom Noguera Jiménez, pa San Miguel Petapa, Heisa Alejandra Hernández Hernández 21 ujunab’, xchapataj pa zona 5, ri Rosalba Lorena Gamboni Juárez, pa San Miguel Petapa, a Rony Oswaldo González, pa Xe’laju’, al Rosalinda Julieta Caal Ixtabalan 22 ujunab’ xchapataj pa La Esperanza, Xe’laju’, ri Hector Eduardo Hernández Dieguez 30 ujunab’ xchapataj pa Villa Canales, al Jhoselin Paola Ruiz Hernández, xchapataj pa Xe’laju’, ri William Emanuel García Castillo 22 ujunab’ xuquje’ a Ángel David García Castillo 19 xechapataj pa zona 7 ri’.

Ketajin che b’anow k’ax aretaq xechapatajik a Edilson Samuel Pablo Barrios, pa Villa Nueva, a Daniel David Rivera Gamarro, a Jose Daniel Guarcas, a Eduardo José Chinchilla Jiménez 23 ujunab’, a Jonathan Josué Miguel Hernández Riveiro 23 ujunab’, a Fernando Esau Coronado Alegría 17 ujunab’ xuquje’ al Melva Catina Riveiro Pau 53 ujunab’ konojel xechapataj pa Villa Nueva ri’.

Eri xechapataj ri’ kab’ixik k’o winaq kikamisam ri’, k’o nik’aj chik b’anow k’ax kib’anom ri’, k’o toq’inik pwaq, b’anow kamisanik kib’anom ri’ xuquje’ k’o kajib’ k’aqb’al xraqataj kuk’ ri’, keb’ k’aqb’al chik, jun k’aqb’al ri’, ruk’ 8 chi ch’a’w’b’alil ri’. Ruk’ awan kunb’alil marihuana ri’.

Eri xechapataj ri’ are wa’ xresaj kachuq’ab’ ri nik’aj b’anol k’ax kib’i’ Latin Family rech ri Barrio 18 xuquje’ nik’aj chik kib’i’ imitadores, kab’ixik k’o Q369,810  xkimol che ub’anik ri k’ax ri’ jeri’ xq’alajib’ chi kij ri’.