Eri Wokajil Ajchajinelab’ kuya’ kiwujilal e 209 k’ak’ eqa’lenelab’ xk’is katijoxik ri’

88

 

Pa konojel e k’o e 100 chi eqa’lenelab’ rech ri División rech Puertos, Aeropuertos xuquje’ rech Puestos fronterizos (DIPAFRONT) xuquje’ e are wa’ rech ri uwaq uwach b’anow tijonik rumal ri’ División rech Métodos Especiales rech Investigación (DIMEI) kuk’ e 56 eqa’lenelab’ xkik’iso uk’amik ri tijonik ri’ xuquje’ we kamik eri q’atb’altzij rech ajchajil tinamit k’o jujun taq loq’ pwaq retalil xkiya’ chi kijujunal ri xkitijoj kib’ ri’.

Pa le retal tijonik xb’an pa le PNC ri’ rumal ri tijob’al rech Je’lalaj B’anikil ri’ rumal k’ut xe’utijoj e 209 chi achijab’ xuquje’ ixoqib’ che ri e are kuwach chik reqa’lenel ri DIPAFRONT xya’taj ri tijob’enik rech BORTAC chi ke, are xya’taj kumal ri e ajchajinelab’ rech ri nimatinamit rech Panamá, Honduras xuquje’ Estados Unidos ri’.

Eri Sub Director Estudios xuquje’ Doctrina, Edwin Manfredo Ardiano López, rech ri Wokajil Ajchajil Tinamit (PNC) are xya’w ri tzijob’enik chi ke ri xkik’is katijob’exik ri’ chi’ k’u ri’ xub’ji che ri tijonem chi ke e ajchajil tinamit are chaqe uj jun loq’ utzilem rumal xk’is uwach taq ri tijonik ri’, are rech xkitijoj kib’ e ox puq chi e ajtijoxel ri’ e are wa’ rech kakiya’ uchuq’ab’il ri kichak ri e ajchajil tinamit, pa le b’anow investigación criminal xuquje’ pa uq’atexik k’ayin awan jastaq ri’ ruk’ ri b’anow elaq’ pa ub’anikil aduanera ri’.

“K’a pa naj taq q’ij qeye’m chik wari’ are wa’ kuya’ nim q’ijom chaqe uj rumal ri’ sib’alaj kojki’kotik rumal kaqak’iso we jun nim tijob’enik ri’ chi ke ri achijab’ xuquje’ e ixoqib’ ri e are ri’ e cha’om kuwach, chi kuxo’l taq jun nim molaj puqil ri’, we kamik ri’ tajin kojupan pa k’isb’al qachak kuk’ ri’”, xcha’ ri Ardiano López.

Man k’ot b’anow itzelb’anik che ri amaq’ qatinamit, che ri PNC xuquje’ chi ke taq ri kachalalil ri’

Rumal eri’ K’amal b’e rech Investigación Criminal, Héctor Aroldo Salazar Ochoa, aretaq xutzijon kuk’ ri xkik’is katijoxik ri’ rech qastzij b’a chakiya’o kanima’ kachuq’ab’ rech kanimaxik ri winaqilal tinamit ri’.

Xub’ij ri’, che nim ki’kotem kuna’o pa ranima’ rech kuya’o nim rutzil kuwach ri’ xuquje’ xupixb’an chi ke ri’ rech man kiya’o kak’ix ri e ajtijonel chi ke, jeri’ che ri wokajil chak patan, jeri’ chi ke ri kachalalil xuquje’ jeri’ chi ke ri winaqil tinamit e aj iximulew ri’.

“We kamik ri’ are sib’alaj katoq’ax rech chakib’ano b’a’ utz che ri kichak pa we amaq’ jacha’ ri rajawaxik ri’, eri DEIC katajin che uq’atexik kuwach ri e ajb’anol k’ax ri’ xuquje’ mib’an b’a iwech jeri’, chaqana’o b’a che nim qaq’ijol uj k’o pa le PNC, we kamik ri’ ix rech chik ri wokajil ajchajil tiamit rumal ri’ are kaqaj kib’an utz che ri ichak pa ronojel taq q’ij ri’”, xcha’ ri Salazar Ochoa ri’.