Eri wokajil e aj yakol taq ja k’o U$$10 millones k’amow pwaq maj pa usaqil xkik’am ri’

271

Eri wokajil rech ya’olchajinik xkichap e 17 chi winaq ri’ che ri kab’ixik e are jun pa le b’anow elaq’nik ri’ are jun ri’ ex ministro rech comunicaciones, Alejandro Sinibaldi, ri xuk’am pwaq ri’ maj pa usaqil ri’ pa 10 millones rech dólares, rech waqxaqib’ chi wokajil ri’ che ri xya’taj ub’anik ri cholchak ri’ xuquje’ rech ri b’anow taq tojb’alil ri’.

Eri b’anow tzukunik chi rij taq b’anow elaq’nik ri’ xuq’alajisaj che ri wokajil rech ri Sinibaldi are maj pa usaqil ri’, are kojom ri’ che ub’anik ri elaqnik ri’, k’o wujil ri’ xkiya’o pa le k’amow q’inomalil pwaqil rech pa le b’anow elaq’ ri’, ri are wa’ xkojik rech xeloq’ nik’aj fincas, ja xuquje’ ch’ich’ rech keb’inisax puwi’ plow xuquje’ rech keb’in pa kaqiq’ ri’.

Eri awatil taq wokajil maj pa usaqilal ri’ e k’o ri’: ri Agropecuaria e Constructora Agua Azul S.A, ri Constructora Benell S.A xuquje’ Agropecuaria El Florido S.A, are wari’ e kojom pa awalik che umolik ri pwaqil pa kiq’ab’ ri ajilol rech ri’.

E nk’aj wokajil e ajyakol taq ja ri’ eri pwaqil xkikoj pa kolob’al kipwaqil nik’aj chik wokajil kib’i’ taq: ri Asfaltos rech Guatemala, ri Compañía Constructora rech Obras Civiles COCISA, ri M&C Construcciones,  ri Construcciones xuquje’ Diseño CODISA, ri Pavimentos rech Guatemala, ri Constructora JIREH xuquje’ ri Constructora Nacional, ri Diseño xuquje’ Desarrollo rech Proyectos rech Construcción xuquje’ José Roberto García – CISA, che ri xya’taj jun nim utzilem chi ke ri’ pa ronojel are Q 1 mil 882 millones 939 mil 989 ri’.

Eri viceministro rech ya’olchajinik, Ricardo Guzmán xuya’ reta’maxik che ri kichapik nik’aj winaq ri’ pa le 42 chi tzukunik xb’an pa Sacatepéquez, Guatemala xuquje’ pa Izabal,  pa jun komonchak kumal Gobernación, ri Ministerio Público xuquje’ rumal ri Comisión Internacional rech Q’atel ri Impunidad pa Iximulew ri’.

Eri xechapatajik e are k’u ri’: a Juan Tejada, a Roger Navas Coronado, a Carlos Guillermo Yupe, al Mercedes Herrera, a Douglas Ramos, a René Felipe Cardona, a Otto Vinicio Samayoa, a Ismael Donis Álvarez, a Juan Francisco Sandoval, a Ignacio Florido xuquje’ a Carlos René Micheo.

Rumal jun b’anow k’ax ri’ e k’o e 15 winaq ri’ are jun chi kuxo’l jun ex embajador Julio Ligoría ri’.

COMPARTIR