Eri Wokajil Jachakunb’al rech K’utb’e xuk’is ri cholchak rech Servicio Cívico ri’

118

E k’o 172 chi alab’om alitom rech 43 uq’ab’tinamit xkik’is ri cholchak pa Tinamit rech Tijob’enik ib’ rech K’utb’e, rech e Nimal chak patan pa amaq’ rech ri Wokajil Jachakunb’al rech K’utb’e rech Ajchajil Tinamit ri’.

Eri cholchak ri’ are utaqim katijoxik alab’om alitom chi rij kupatanij ri tijob’en ib’ rech k’utb’e ri’,are rech eri e are kekowinik ke’ok che e ajk’uttijonel pa taq uq’ab’tinamit xuquje’ rech ketob’anik rech uq’atexik kakisolkopij kib’ ch’ich’ pa taq nimab’e ri’ rumal are ukab’ uwach raqow k’ax pa we amaq’ ri’.

E k’o k’ut 147,000 chi winaqil chi ke e k’o ajtijonel, taq ala, ali kuk’ alab’om alitom xetijox ri’ kumal ri alab’om alitom e ajpatan nimanel pa amaq’ rech ri Wokajil jachakunb’al rech K’utb’e.

Eri Taqanel rech ri Departamento rech Tránsito rech ri PNC, Comisario Otoniel Sandoval, xe’uki’kotirsaj ri alab’om alitom ri’ rumal pa jikomal xkik’iso ri cholchak patan ri’ xuquje’ sib’alaj xuloq’oj ub’ixik ri kupatanij uwa’lijsaxik ri tijob’en ib’ ri’ chi ke ri ak’alab’ uk’ ri alab’om alitom ri’ rech e are chik ketijon chuwe’q kab’ij pa we amaq’ ri’.

Xuquje’ eri tijonem rech ub’anikil k’utb’e man xaq tari’ rech ya’tal chi ke ri e ajb’insal ch’ich’, xane’ are rech ya’tal chi ke ri winaq kewa’kat pa taq nimab’e ri’, rumal ri’ eri solkopin ib’ pa taq nimab’e k’o che xa’rumal ri winaq ke’ok’ow ta pa uwi’ ri q’a’mja ri’.

Eri K’amal b’e Lorena Sicay, Rajawtzij rech ri Programa Nacional rech Educación Vial 2017,  xub’ij che kurayij che chikijujunal ri ajnimanel pa amaq’ kakeche’j we jun chak patan ya’talil ri’ xuquje’ are kuya’o kub’sib’al k’u’x pa le kak’iyemal pa kik’aslemal ri’ rech kujaq kib’e rech ya’tal nik’aj chik chak patan chi ke ri’.

Eri cholchak ri’ are xb’antaj pa le oxib’ q’ij rech abril k’a pa le 19 rech octubre kuk’ kitatb’enik ri 172 alab’om alitom rech 43 uq’ab’tinamit rech pa we amaq’ ri’ che xkik’is ri 728 chi kajb’al q’ij rech ya’b’al nimanem kumal ri’.

Eri Kimberly Santos, Servidora Cívica rech Zacapa, xub’ij eri xk’oji ri are pa le cholchak ri’ are xuya’ chech rech xuk’am k’ak’ taq eta’manik ri’ xuquje’ xuya’ k’iyemal chech ri’ xuquje’ ki’kotem chech rumal xtijon chi ke taq ak’alab’ chi rij ub’anikil wa’katem pa nimab’e ri’ rech ruk’ wa’ eri e ajb’insal ch’ich’ kakik’ex ub’anik kiwa’katem pa taq nimab’e pa tinamit ri’.

COMPARTIR