Eri Wokajil Japache’ katajin che ub’anik tzukunem pache’ ri’

271

K’a pa chaq’ab’ iwir lunes 22 rech enero xb’antaj kowinem xb’antaj wa’ jun nim tzukunem ya’olchajinik ri’ rech xtzukux upam kik’olib’al pa le Sector 11 ri e ajpache’ kech achijab’ ri’ ri kiwam wi 18 chi k’aqb’al, ruk’ poq’sab’al, ruk’ ch’ich’, ruk’ puch’b’al, ruk’ ch’a’wb’alil, ruk’ kajib’ ya’b’al q’aq’ rech q’ij, ruk’ nik’aj módems xuquje’ ruk’ oxib’ kematz’ib’ ri’.

Eri Rudy Esquivel, Ajtzijolinel rech ri Sistema Penitenciario (SP) xuya’ ub’ixik che ri e ajpache’ k’o jujun taq jastaq rech b’anow k’ax kiwam kuk’ pache’ ri’ rumal ri’ xaq k’a te’et xb’antaj ri jun tzukunik pa le Pache’ ri’ rech xraqataj chi’ xuquje’ rech kakoj tojb’al mak chi kij ri e b’anol k’ax pache’ ri’.

Jeri’ xuya’ ub’ixik che jun nimalaj tzukunem ri’ are uwach kitob’anik ri molaj rech Investigación Criminal ri’, ri Antinarcóticos, ri Fuerzas Especiales rech Ajchajin Tinamit, xuquje’ ri Comisarías xetob’anik ruk’ ri K’amow ub’e Wokajil Japache’ ri’ (DGSP).

Eri e ajpache’ xeq’axaxik pa jun chik kitz’apib’al ri’

Pa le b’anow tzukunik ya’olchajinem e k’o e lajun e ajpache’ xetaq ri’ pache’ rech El Infiernito pa Escuintla kab’ixik kumal ri q’atb’altzij che e are ri’ ri ajtaqal kech ri e k’o pa le Sector 11 xuquje’ e are ri’ xetaq pa jun chik tz’apib’alil kech ri’.

Eri Esquivel xuya’ ub’ixik che ri ya’olchajinik ri’ are sib’alaj xaq k’a te’et katajin pa taq le japache’ rech kanimaxik ri utaqonik ri k’amal b’e rech ri Wokajil Japache’ ri’ xuquje’ are utaqanik ri  Ministro rech Gobernación, Francisco Rivas Lara.

“Eri xtaq ub’ixik ri’ sib’alaj k’o pa usaqil ub’ixik kumal ri q’atb’altzij chi rij taq ri b’anow tzukunem ya’olchajinik pache’, we kamik ri’ sib’alaj katajin na, are wa’ qas nim xb’an pa le Sector 11 ri katanab’ax ta na.

K’o 22 chi tzukunik b’anom chik pa taq le q’ij ri’ rech ri 2018

Eri ajtzijolinel xuya’ utzijol che pa le junab’ 2017 k’o 376 chi b’anow tzukunik b’anom chik ri’ are wa’ ok’owinaq chuwach ri 272 xb’an pa le junab’ 2016 xuquje’ pa we junab’ ri’ k’o chik 20 b’anom ri’.