Eri Wokajil Japache’ k’o tzukunem xub’an pa Japache’ kech Ixoqib’ ri’

124

 

Pa le nab’e q’ij rech agosto ri’, xmajtaj raq’ansaxik ri b’anow tzukunem ya’olchajinik pa taq le 21 Japache’ rech pa we amaq’ ri’, jeri’ xuya’ utzijol ri K’amal b’e rech ri Wokajil Japache’ ri’, Gilberto Camilo Morales Castro, are wari’ rech kanimaxik ri xtaq ub’anik rumal ri’ Ministerio rech Gobernación ri’.

Pa taq le k’isb’al keb’ q’ij ri’ k’o keb’ tzukunem ya’olchajinik xb’antaj ri’ rech pa le utzukuxik jastaq maj pa usaqil pa taq le Wokajil Japache’ ri’, eri nab’e chi ke are xmajtajik pa taq le 22:45 kajb’al rech pa le 9 rech agosto, pa le Wokajil Japache’ kech ixoqib’, Santa Teres ri k’o pa le zona 18 pa uk’u’x nimatinamit, chi’ k’u ri’ xb’antaj wi’ xraqrik kajib’ chi ch’a’wb’alil rech eqam, keb’ chips, oxib’ eqab’al q’aq’ ri’, panik’aj pajb’al rech Marihuana xuquje’ wuqub’ chi k’aqb’alil ri’.

Pa le ukab’ b’anow tzukunem ya’olchajinik xb’antaj pa komon taqawokajil ri’ are xmajtajik pa we q’ij pa le 9:30 kajb’al ruk’ katob’anik ri eqa’lenel ixoqib’ rech ri Grupo Elite Penitenciario, kumal ri Fuerzas Especuales rech ri Wokajil Ajchajil Tinamit xuquje’ kumal ri Q’atol tzij rech ri Ministerio Público, pa le Centro rech Orientación Femenina COF, ri k’o pa le nimalaj japache’ ri k’o pa tinamit rech Fraijanes, chi’ k’u ri’ keraqataj wi’ ri ixoqib’ ketajin che utojik kimak ri’, e 717 chi ixoqib’ e tz’apil chi’.

Aretaq xb’antaj ri tzukunem ri’ juntir wa’ xb’antaj pa jikomal ri’, sib’alaj chajital rij uwach kumal ri wokajil ajchajil tinamit.