Eri wokajil rech q’atel awan kunb’alil sib’alaj katajin che b’anow tzukunem ya’olchajinik rech uq’atexik k’ayin awan kunb’al

216

Aretaq xb’antaj k’iyalaj taq tzukunik ya’olchajinem kumal ri eqa’lenelab’ rech ri Wokajil rech Solwachinem xuquje’ Tzijob’elil rech Awan Kunb’alil rech ri Wokajil Ajchajil Tinamit (SGAIA-PNC), xekowinik xkichapo e kajib’ winaq kab’ixik e ajk’ayin awan kunb’alil, eri ya’olchajinik ri’ are xb’antaj pa Santa Catarina Pinula xuquje’ pa San Miguel Petapa.

Eri Pablo Castillo, ajtzijonel rech ri wokajil ajchajil tinamit, xuya’ ub’ixik che ri ya’olchajinem tzukunik are xb’antaj iwir q’ajib’al q’ij xuquje’ chi’ k’u ri’ xb’antaj kowinem xechapik e kajib’ winaq pa taq le b’anow tzukunik ri’.

Eri eqa’lenelab’ rech q’atel awan kunb’alil rech ri PNC xkitzukuj upam jun nima ja pa le 1 avenida 0-78 de la zona 2 rech Santa Catarina Pínula, chi’ k’u ri’ xkichap wi ri Vilma Luz Monterroso Barrilla 45 ujunab’, ri xraqataj 45 chi setkunab’al rech cocaína ruk’ 11 k’olib’al rech marihuana xuquje’ panik’aj chik rech awan kunb’alil ri’, jeri’ Q4 mil 400 chi pwaqilem rajil ri k’ayin awan kunb’alil maj pa usaqil ri’.

Xuquje’ eri Castillo xuya’ ub’ixik che pa le 10 avenida 3-49 residenciales Valle rech San Miguel Petapa zona 11 de San Miguel Petapa, xchap wi ri Noraida Liseth Palacios Martínez 52 ujunab’, a Juan Manuel Ruano Palacios 30 ujunab’ xuquje’ ri Rene Guillermo Ruano Aceituno 62 ujunab’, kuk’ xraqataj wi 30 uk’olib’al rech marihuana xuquje’ Q2 mil 290 chi pwaqilem ri’ are rajil rech b’anow k’ayin awan kunb’alil ri’.