Eri wokajil rech ya’olchajinik che ri tojom k’o ub’ixikil kakijach ri’ pa le nab’e taq q’ij rech enero

339

Eri K’amow b’e rech Ya’olchajinik che ri tojom ri’(DIGESSP) kuk’am ri’ pa taq le nab’e waqxaqib’ q’ij rech enero 2018 ri ub’ixikil rech chak patan xb’an pa le juntir jun junab’ ri’ rumal ri’ sib’alaj rajawaxik b’a’ kakijach ri tojb’al rech pa ub’anik we jun chakunem ri’, rumal ri’ e are kek’ulik pa taq le uq’ijol chak chi ke ri’. Xaq xu’ wiri ‘a le q’ij ri’ kak’am kumal ri q’atb’altzij ri’.

Are rech wa’ k’o jun utzalaj nimib’al kaya’ chi ke ri wokajil chak ri’, pa taq le nab’e waqxaqib’ ri’ rech ri ik’ enero, eri DIGESSP kachakun na ri’ pa le uq’ijol chak k’a pa taq le wuqub’ kajb’al rech saqarem k’a pa taq le 19 kajb’al rech lunes pa viernes, emu wari’ pa taq sábado xuquje’ pa domingo are  kachakunik pa 9 k’a pa 17 kajb’alil ri’, are utzijol xuya’ ri ajtzijolinel rech ri DIGESSP, Fernando Lucero.

“Eri k’amal b’e taqanel rech taq ri wokajil ri’, sib’alaj rajawaxik kakijach pa le DIGESSP, ri k’o pa le 41 calle 17 – 36, rech ri zona 8 pa uk’u’x nimatinamit ri’, ri ub’ixikil chak xb’antaj pa we junab’ ri’ are kajachik pa taq le nab’e uwach waqxaqib’ q’ij rech ri ik’ enero rech ri junab’ 2018 ri’”, xcha’ ri Lucero.

Eri ajtzijolinel ri’, kub’ij we jun ub’ixikil ri’ rajawaxik b’a’ kuk’am b’ik chupam le kib’i’ konojel le ajchakib’ che ri kechakun pa chajinik xuquje’ ri kechakun pa le jachakunb’al pa le wokajil ri’, xuquje’ sib’alaj rajawaxik k’o rachib’al ri wujilal ri e ajchak ri’ jacha’ ri  (DPI), ri kiwujil katijob’enik, rech kalaxib’al, ri wujilal rech kub’ij jas ri chak taqkil kekowin che ub’anik ri’.

Xuquje’ xub’ij che k’o nik’aj chik uwach wujil tam ri chi ke, ri ub’i’ taq le k’aqb’alil ruk’ ub’aq’ kakoj ri’, xuquje’ ri kib’i’ tz’ib’atal cha kik’u’x ri’ ruk’ ri rajilab’al, ri retalil ri wokajil che ri kechakun wiri.

Xuquje’ sib’alaj rajawaxik eri wokajil rech ya’olchajinik ri’ kakiya’o ub’ixik jas le rilik kitzijol ri ch’ich’ che ri kakikoj ri’, jeri’ le chakub’alil kakikoj pa le keraqataj wiri.

Ri kub’ij pa le rajilab’al q’atowtzij 30 rech ri Decreto  52 – 2010

Eri jachb’al rech wari le ub’anik le ub’ixikil che ri taqom pa le q’atow tzij 30 rech ri Decreto Decreto 52-2010, ri k’o chupam ub’anikil ri taqanem chi rij ri ya’olchajinik che ri tojom ri’.

Eri etab’al b’anow ri’ kub’ij: “are rech pa le unimaxik ri’ rajawaxik b’a’ pa wujil katz’ib’ax b’ik xuquje’ ya’talil kataq ri’ pa taquxa’n wujilal pa kemamtzij ri’, aretaq xumaj ri uchak xuquje’ jeri’ pa juntir jun junab’ rech kutaq b’ik ub’ixik che ri K’amow b’e rech ri (DIGESSP), ri xya’taj ub’ixik che kutaq b’ik ri’.