Eri ya’olchajinik ub’i’”Operación Centinela” xkowinik xe’uchapo jun molaj b’anol k’ax ajsik che amaq’ tinamit ri’

256

Rech b’a’ kechapik ri nik’aj molaj b’anol k’ax ri kakib’an elaq’ ri ke’ok pa taq ja achochib’al ri’, ri kakib’an k’ax chi ke ixoqib’ alitomab’ kuk’ ri nik’aj kamsanelab’ ri’, eri Wokajil Ajchajil Tinamit pa reqle’nib’al ri Subdirección General rech Investigación Criminal (SGIC) juntir pa kiwokajil ri’ xkib’an ya’olchajinik ub’i’ “Operación Centinela”, ri rumal ri’ xb’antaj kowinem e waqxaqib’ xechapik kuk’ keb’ e alab’om na, kab’ixik eri kimak choman b’anoj k’ax, b’anoj k’axalaj elaq’nik, xechap k’ut pa taq le tzukunik xb’antaj pa Xelaju’, pa San Marcos xuquje’ pa taq Chinab’jul ri’.

Rumal k’u ri’ xb’antaj kowinem xechapatajik nik’aj b’anol k’ax ri’ kib’i’:

1.    A Obispo Vásquez López, 30 ujunab’.

Taqanel rech jun molaj b’anol k’ax ri’.

2.    A Marco Antonio Rodas Cifuentes, 58 ujunab’.

Ukab’ taqanel rech jun molaj b’anol k’ax ri’, ajb’insal ch’ich’ rech kub’ilij jastaq ri’, chi’ k’u ri’ xrechb’ej xub’an kilik chinaq winaq xub’an chi ke ri’.

3.    A Héctor David Calel Poncio, 28 ujunab’.

4.    A Ariel Hernández García.

5.    A Edgar Ronael Calel Poncio.

6.    A Héctor David Calel Poncio, 29 ujunab’.

7.    xuquje’ xya’ ub’ixik che taqom kichapik ri’ nik’aj e ajpache’ ri’ kib’i’ a Roel Aroldo Calel Poncio, 26 ujunab’, chila’ pa japache’ kech achijab’ rech Xelaju’, pa le jo’ob’ q’ij rech ik’ enero 2016, rumal ri q’atb’altzij ri’ rumal umak b’anoj k’axalaj elaq’ ri’.

8.    A Edgar René Estrada Gómez, 19 ujunab’, xtaq uchapik rumal b’anoj elaq’ ri’.

Eri keb’ e alaxik ri’ are ukab’ kib’i’ Huinac García, ri 15 xuquje’ 17 kijunab’ chi kijujunal, e are ri’ xek’am b’ik pa q’atb’altzij kech alab’om ri’, rumal xunimaxik kichapik pa le 21 ik’ octubre pa le junab’ 2014, rumal b’anoj k’ax chi ke ixoqib’ alitomab’ ri’.

Eri nik’aj xechapík ri’ rumal ri tzukunik xb’an chi kij ri’, rumal k’o etab’an tzukunik chi rij b’anoj k’ax kib’anom ri’, rumal xterenb’ex kij, xechajixik ri’, rumal xk’utik ri b’anoj k’ax kib’anom ri’; eri ajchajil tinamit xeb’e che kichapik ri’ xuquje’ e are xechajin chi ke ri ajq’atoj tzij xeb’e pa le chapoj ri’, xuquje’ qas xkib’an rilik ri ub’anikil ri juyub’al xeb’e che kitzukuxik ri’, rech rumal ri’ xekowin che kichapik ri’.

Pa le tzukunik ri’ xkib’ano k’o jun ch’ich’ rech b’insab’al xkiraqo jun chi pick-up Toyota, ri xq’alajinik che kik’exom kijosom rajilab’al uranch’ich’ ruk’ uchasis ri’, ruk’ jun k’aqb’al rech 9 mm, ruk’ jun chaleco antibalas ruk’ nik’aj wujil jastaq xeraqataj chi’.

COMPARTIR