Eri ya’ltzijol kuya’ ub’ixik chi ke ri nan tat chi rij ri k’ax kakiraq ri kalk’uwal pa le uwachwujil pa kemamtzij ri’

131

Ruk’ ri ch’ob’onik rumal ri’ UNICEF, ub’i’ “Ri in Kinok man ruk’ ta b’anow k’ax ri’” eri viceministerio rech tecnologías rech ri Tzijolinem xuquje’ ri Tzijob’enem ri’, are kutzukuj ri k’ax xb’an chi ke ri alab’om alitom, taq ala ali xuquje’ le ri’j taq winaq e aj iximulew ri’ rech konojel b’a’ rech kikiraq ta k’ax aretaq ke’ok pa ta le Uwachwujil pa kemamtzij ri’.

Rumal ri’ eri Gabriel Juárez Lucas, Viceministro rech Tecnologías xuya’ ub’ixik che ketob’an che jun ya’ltzijol ri’ k’a pa le uwachtzijonem rech uk’olib’alil ri no’jb’anikil ri’ rech kekowin che ukojik ri jun uwachwujil pa kemamtzij ri’ ruk’ taq ri chakub’al che utz ub’an ri’.

Eri Viceministro rech Tecnologías xuya’ ub’ixik che pane’ b’a’ le uwachwujilal pa kemamtzij kuya’o jun kub’sib’al k’u’x ri’, eri k’axk’olil ri’ are pa kichomab’al pa keta’mab’al ri winaq k’o wi are ri chakub’al rech. Rumal ri’ sib’alaj k’o nim kupatanij le b’anow chomanik ri’ kuk’ ri nan tat rech kaketa’maj kechoman  che uq’atexik ri’ xuquje’ rech kakilo jas ub’anik kasolib’ uwachwuj pa kemamtzij ri’ rech kakikub’isaj kiya’ik pa saq ri kalk’uwal ri’.

“Chi ke taq ri k’ax qas kak’ulmataj ri’ are pa taq le uwachwuj pa kemamtzij ri’ jacha’ ri bullying pa uwachulew ri’ are wa’ e uk’amisam e k’i taq winaq ri’ rumal ri itzelal b’iw tzij ri’, are wa’ k’i uti’ resam rumal pa awalik kab’an we jun k’ax ri’, xuquje’ eri pornografía infantil pa le itzel ub’anikil ri’ eri taq ak’alab’ kuk’ ri alab’om alitom che kab’an k’ax chi ke kumal ri nik’aj achijab’ b’anol k’ax ri’, ri kakojom kib’ che kutzukuxik ri winaq rech kakib’an k’ax chi ke ri’ xuquje’ rech kakik’am b’ik pa k’axk’olil ri’, rech te k’u ri’ kakita nimapwaq chi kij ri’” xcha’ ri Viceministro ri’.

COMPARTIR