K’o oxib’ mil millones chi pwaqil rajil ri Amapola xuquje’ Marihuana xesax pa le Korlim Ya’olchajinik pa Ixchiguan xuquje’ Tajumulco, San Marcos.

Eri utzijolil xkiya’ ri Wokajil Ajchajil Tinamit k’a we kamik are qupim chik 117 millones raqan ichaj rech Amapola ri tikom pa 258 upajb’alil uwach ri peraj taq juyub’ che ri tikom wi pa keb’ uq’ab’tinamit ri’.

Xuquje’ k’o 26 uwach peraj taq juyub’ ri xesax wi 179 mil raqan awan ichaj rech marihuana ri’.

E k’o 70 chi ja winaqil xetzalij chik pa taq kachoch xa’b’a’ maltyox chi ri utob’anik ri PNC ri’.

Sib’alaj k’o nim kupatanij rech kaya’ ub’ixik che xb’antaj kowinem xya’taj pa jikomal joremal pa le juyub’ tinamit ri’ kumal ri wokajil ajchajil tinamit chi’ rumal ri’ xb’antaj kowinem xetzalij chik e 70 ja winaqilal pa taq kachoch ri’ che ri kiya’om kanoq rumal xkesaj b’ik kanoq rumal ch’oj maj kub’sib’al k’u’x chi’ pa le keb’ tinamit ri’.

Pa taq le ub’eyal ya’olchajinik chi’ are uq’atexik b’anow k’ax kamisanik, ri ub’anik utz che ri kik’aslemal le winaqil chi’ xuquje’ ri b’anow tzukno’jchak chi’ chi kij ri e ajb’anol k’ax kamisanik ri’ rech kitaq kichapik ri’ rumal ri Ministro rech Gobernación, Francisco Rivas Lara ri’.

COMPARTIR