Xk’ix ri nab’e uwach ri resaxik ri amapola tikom ri’

243

K’o 16 millones raqan ichaj rech amapola xchupisaj uwach ri’ eri rajil kab’ixik are Q. 416 millones 576 mil  552.75, che ri xchupisaj uwach pa le nab’e taq resaxik xb’anik pa le tzukunem ya’olchajinik ri’ rech ri 2017, pa taq le juyub’ tinamit rech Ixchiguán, Tajumulco xuquje’ Tejutla pa juyub’ tinamit rech San Marcos, pa jun nim b’anow tzukunik xb’anik pa komonchak ruk’ ri Quinto Viceministerio Antinarcótico ruk’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit ri’ (PNC) xuquje’ ruk’ nim utob’anik ri Wokajil Ajchajil Amaq’ ri’.

Pa we nab’e resaxik uchupisaxik ri Amapola ri’, are xumaj kajib’ q’ij rech xetaq chi’ jun nim wokajil rech ri ya’olchajinik pa taq ri aldeas rech Tuichán, Tuiladrillo, Choapequez y Cantón La Joya del Municipio de Ixchiguán; xuquje’ pa taq ri aldeas El Inmortal, La Independencia, Quipambe, La Libertad xuquje’ la Unión rech pa juyub’ tinamit rech Tejutla.

Pa ronojel ri’ are xchupisaxik pa 456 peraj taq juyub’ ri are uwach pa ronojel ri’ 310,964 Mts.2, chi k’u ri’ xqupixik 16 millones 663 mil 062 raqan ichaj rech amapola ruk’ 97 millones 266 mil 959 uxe’al, eri rajil pa ronojel xb’ixik are  Q.416 millones ri’.

Eri Viceministro Antinarcótico, Oscar Dávila Mejicanos xuya’ ub’ixik che are xetaqik chi’ ri ya’olchajinik pa taq le juyub’al ri’ xuquje’ xb’an utzukuxik k’i uwach taq peraj juyub’ che ri tikom wi ri ichaj maj pa usaqil ri’ are xesax chi’ kumal ri eqa’lenelab’ rech ri Wokajil Ya’olchajinik ri’.

“Ri uj tajin kakoj ri chakub’al rech no’jb’anem ruk’ jun Drom ri’ rech kaqil juntir uwach ri tikom wi ri ichaj maj pa usaqil chi’ che ri kaq’alajin taj chu uchi’ taq nimab’e chi’”, xcha’ ri Viceministro Dávila.

Pa taq le tzukunem ya’olchajinik chi’ xraqataj wi oxib’ peraj juyub’ che ri tikom wi ri marihuana pa taq le Aldeas La Inmortal xuquje’ La Independencia rech pa juyub’ tinamit rech Tejutla, chi’ k’u ri’ xesax wi 93 raqan ichaj ri’ ri rajil kab’ixik are Q. 34 mil 875.00 ri’.

Xuquje’ xya’taj ub’ixik che k’o uk’olib’al rech tikom wi ri amapola pa le Aldea la Independencia.

“Are xaqilo che k’o k’iyalaj amapola k’i ukotz’i’jal tikom chi’, xuquje’ k’o kotz’i’j xaqilo are Morata rilik, k’o kaqkoj che k’o saq che are ri’ xaqilo pa le qab’inib’al chi’”, xcha’ ri taqawokajnel ri’.

 

COMPARTIR