K’o nim tiko’n rech marihuana xesaxik pa Las Cruces, Petén

244

K’o 49,865 raqan ichaj rech marihuana pa ronojel xqupixik, eri rajil junam ruk’ Q18,6 millones, are ri’ xqupixik pa q’ij domingo kanoq pa le caserío Ixmucané, Las Cruces, Petén, eri tzukunem xb’an ci’, are uwach uchak upatan taqom rumal ri Quinto Viceministerio Antinarcótico rech ri Ministerio rech Gobernación, chi la’ pa le xb’an wi le tzukunem ri’.

Eri Óscar Dávila, Viceministro Antinarcóticos rech ri Ministerio rech Gobernación (Mingob), xuya’ ub’ixik che e k’o jo’ob’ chi nim tiko’nib’al rech marihuana xraqataj pa taq le juyub’ ri’, rumal k’u ri’ xtaq resaxik xuquje’ ruk’ wa’ tajin uya’ik tob’anik chi ke ri winaq e jaqal chi’ pa rulewal norte rech we amaq’ ri’, are rech ‘a’ uq’atexik ri k’axk’olil tajin kab’an chi’ kumal ri e ajk’ayil awan q’ab’arisab’al kumb’alil ri’.

Eri ajpatanel ri’ xub’ij, che pa ronojel ri raqan taq ichak ri’, xesax chi’ are ri’ 47,335 ri katajin chik resaxik ri’, emu wa’ nik’aj chik 2,530 k’a tajin kek’iy loq.

Eri tzukunem xb’an chi’ rumal ri Fuerza de Tarea Chortí, pa komon kuk’ ri Fuerza de Tarea Tecún Umán, pa komonb’al ruk’ ri Subdirección General rech Análisis e Información Antinarcótica (Sgaia) rech ri Wokajil Ajchajil Tinamit (PNC), ri Ministerio Público (MP) xuquje’ ruk’ ri Ministerio rech ri Defensa (Mindef).

COMPARTIR