Eri Kub’sib’al k’u’x Tijob’al ib’ ri’ are katajin che kisuk’umaxik ri alab’om alitom pa we amaq’ ri’

145

Eri tob’anem ri’ are rech kab’an utz rech kech’a’w chi kuwach ri tat nan, ri ajtijonel, ri e ajtijoxel xuquje’ ri eqa’lenelab’ chajin tinamit, ri q’atb’altzij rech ri Subdirección rech Q’atel b’anow k’ax ri’ Uq’ab’il ri Wokajil Ajchajil Tinamit ri’ (PNC), xkijipij uwach ri cholb’al rech Tijonem xuquje’ Katijob’exik rech Kakiya’ ta kib’ kab’an k’ax chi ke kumal molaj b’anol k’ax ri’ (GREAT), are opaninaq kuk’ e 5 mil e ajtijoxel rech taq 97 k’olib’al tijob’al ib’ pa we amaq’ ri’, are wari’ rech kakiya’ ta kib’ kab’an k’ax chi ke kumal molaj taq b’anol k’ax ri’.

Xuquje’ are wa’ rech kab’antaj kowinem kapatanixik jacha’ kub’ij ri Priscila Herrera, taqanel pa le programa rech Escuelas Seguras rech ri PNC, kachomax na rech kakojik nik’aj chik ub’eyal chak patan kuk’ ri q’atb’altzij e ajtijonel ri’ xuquje’ kuk’ ri nan tat ri’ rech kakitzijob’ej kib’ kuk’ taq ri kalk’uwal ri’.

Xuquje’ kuk’ ri e ajtijoxel rech ri kuya’ik uchuq’ab’ ri b’anow chomanik ruk’ ukojik cholchak rech b’anow tijonem ri’, rech kachb’ilaxik ri winaqilal, rech kasuk’umax ri k’olib’alil ub’anom k’ax ri’ xuquje’ rech kak’oji jun molaj ajchajil tinamit rech kepixb’anik ri’.

“Eri uj kaqaj kujchoman kujopan kuk’ ri nan tat rech kajchoman kuk’ rumal k’ut k’o che kech’u’jarik ri alab’om alitom rumal man k’ot man k’ot kilik kichomaxik kitzijob’exik ri’, rumal ri’ are keqatzukuj ri e ajtijoxel rech man kujkil taj aj q’atb’altzij xane’ are kujkilo jacha’ tane’ aj kachib’il ri’”, xcha’ ri Herrera.

Ri ub’im chk che ri PNC are xa’ koqatan chi ke ri’ le alab’om alitom ri’, emu wari’ kamik man je ta ri’ chik we kamik are e kub’sib’al k’u’x chik xuquje’ rech ke’achb’ilan chi ke ri ak’alab’ xuquje’ chi ke ri alab’om alitom ri’.

COMPARTIR