Eri tijchuq’ab’ ya’olchajinik kumal ri PNC man k’ot b’a’ jun winaq tane xkamisax we kamik ri’

425

Rumal k’ut ri tijchuq’ab’ ya’olchajinik kumal ri Wokajil Ajchajil Tinamit ri’ (PNC), rumal ri’ we kamik ri man k’ot b’a’ jun winaq xkamisax pa le juyub’ tinamit rech Iximulew ri’.

Rumal ri utzalaj komonchak kumal ri wokaj sak’ajil ajchajinelab’ pa tinamit ri’, rech q’atel k’ax, rech b’anow tzukunik chi rij taq ri’ pa le 24 q’ij rech ik’ febrero xuya’ pa retal rech man k’ot jun winaq tane xkamisax pa ronojel ri juyub’ tinamit rech Iximulew ri’, je ri’ xq’alajin pa retal rajilab’al ri Wokajil Ajchajil Tinamit ri’ (PNC).

We jun xb’antaj kowinem ruk’ ri’ pane’ man je ta ri’ xya’taj ub’ixik pa taq le uwachwuj pa kemamtzij ri’, are rech b’a’ kakixib’ij ri winaq tinamit ri’, rumal ri tijchuq’ab’ xkikoj chi rij kumal ri wokajil ajchajil tinamit ri’ pa le uya’ik nim utzilem chi ke ri winaq tinamit ri’.

Eri taqawokajnel ya’olchajinik pa Amaq’, Francisco Rivas Lara xuya’ ub’ixik pa k’iyalaj taq mul che “ronojel uwach taq ukownik ri’, uno’jixik, ruk’ uchakub’alil ri’ xuquje’ kuk’ ri winaqil pa le ya’olchajinik rech uya’ik joremal, kub’sib’al k’u’x ri’” ruk’ ub’anikil wari’ eri Ministerio rech Gobernación, are ri’ ya’talil pa le uya’ik utzilem chi ke ronojel taq winaqilal ri’.

Xuquje’ pane’ b’a’ are ri nab’e che ri man k’ot winaq xekamisax pa tinamit Iximulew ri’, pa le 2017, man xaq ta ri’ jun q’ij ri’ k’a xok ri’ che reqale’n ri Rivas Lara che taqawokajnel ya’olchajinik pa tinamit ri’.

Pa junab’ir kanoq xuquje’ je ri’ xub’an pa taq le 28 rech junio, je ri’ xub’an pa le 21 xuquje’ pa le 22 rech noviembre; je ri’ pa le 14 rech diciembre are chi’ man k’ot jun winaq xb’an k’ax che pa taq le 21 tinamit pa we amaq’ ri’.

Pa le 14 rech diciembre rech pa junab’ir kanoq are chi’ man k’ot jun wnaq xkamisax pa le 21 tinamit pa we amaq’ ri’. Eri Q’atb’altzij rech Gobernación ruk’ ri PNC, xkik’ubisaj uwach ri kichak patan kuk’ ri winaqil tinamit ri’.

COMPARTIR