Eri Ministro rech Gobernación Francisco Rivas Lara kuk’ ri uviceministros; xuquje’ ri ruk’ ri Comisionada rech ri Reforma Policial xuquje’ kuk’ ri e ajk’amal ub’e ri  Wokajil e Ajchajin Tinamit (PNC) xetatb’enik pa le raq’ansab’al keqale’nib’al ri e ajchajin tinamit ri’ xuquje’ pa le ya’b’al k’ak’ keqale’nib’al ri eqa’lenelab’ rech taq pa jalajoj kuwach ri sak’ajil e ajchajin tinamit ri’ ri xb’antaj kanimaq’ij pa le Campo rech Maniobras rech ri Escuela rech ri Formación rech taq Oficiales rech e Ajchajil Tinamit ri’ ESFOP. Sib’alaj k’o jun ya’b’al ub’ixik che ri ub’anikil sak’ajil tijob’enik chi ke e Ajchajil Tinamit ri’ are wa’ qas utak’alib’al ri chakub’al kakojik pa le kiq’atexik ri nik’aj taq b’anol k’ax ri’ ri e 84 chik e q’atim pa we junab’ ri’.

Rumal ri’ eri Rivas, xub’ij che are uwach ub’anikil ri tijob’en ib’ chi ke ri e ajchajil tinamit ri’, are wa’ k’o nim upatanil xuquje’ are qas utak’alib’al uwach ri’ uk’iyik uwach ri wokajil ri’.

“ERI K’UTTIJONEM RI’ ARE XYA’TAJ CHI RIJ RI UB’ANIKIL RI CHAK PATAN RI’ XUQUJE’ ARE UWACH RI SAK’AJILAL TIJOB’ENIK YA’TALIL PA TAQ NIMATIJOB’ALIL RI’. ERI NO’JTIJOB’ENIK RI’ ARE UYA’OM PA SAQ KIQ’ATEXIK E 84 CHI MOLAJ B’ANOL TAQ K’AX RI’ XUQUJE’ RUMAL RI’ E K’O CHIK 700 CHI WINAQ B’ANOL K’AX E CHAPOM RI’.”

Eri Rivas xutzijol che k’a pa le umajtajik ri ub’anikil tijonem ruk’ ri k’uttijonik ri’ are wa’ uxe’al utak’alib’al kuwach ri Wokajil Ajchajil Tinamit ri’,” ri are tajin kuya’o pa jumul chik ri ub’anikil joremal ruk’ jorob’anem chi ke ri winaq e aj iximulew ri’.”

Ruk’ ri 113 xaq’an keqale’nib’al pa le 2016 we kamik ri’ kak’is pa kajilab’al chik pa 1 mil 680 ya’b’al eqale’nib’al ri’ pa juntir we amaq’ tinamit ri’, jeri’ xuya’ utzijol ri Adela de Torrebiarte, comisionada rech ri Reforma Policial.

Eri raq’ansaxik keqale’nib’al ri’ chi ke ri nim taqanelab’ xuquje’ chi ke ri k’amal b’e pa le uwokajil ajchajil tinamit ri’ xuquje’ pa le ya’b’al kiwujil keqale’nib’al ri xe’ok’ow pa tijob’enik ri’.

Eri Oficiales ri xaq’ansan keqle’nib’al pa nim Patanem pa le Tijob’al rech ri Estudios Superiores rech ri Wokajil Ajchajil Tinamit ri’, EESPOL, are rech ri’ ri IX retal tijob’enik rech ke’ok che Comisario general pa le Wokajil Ajchajil Tinamit ri’.

Eri kekoj che comisario rech ajchajil tinamit, k’o ri’ kekoj che subcomisario chi ke ri’, k’o ri kekoj che Oficial Primero rech pa Wokajil Ajchajil tinamit ri’, k’o ke’ok che ri Oficial Segundo ri’, k’o ke’ok che Oficial segundo ri’.

K’o ke’ok che Oficial Primero pa le Ajchajil Tinamit ri’ e k’o e jo’ob’ chi ke e ajb’insal ri xik’ach’ich’ pa le Fuerza de Tarea FIAAT.

Xuquje’ k’o ke’al pa le Tijob’al rech Especialidades Policiales EEPOL, e rech ri VIII puq kuwach especialista rech Ya’olchajinik che ri K’ache’lajil ri’ (DIPRONA), eri XXVI puq kuwach e especialista rech investigación criminal ri’ (DEIC).

Xuquje’ k’o ri II puq kuwach ke’elik e especialistas rech ya’olchajinik pa Puertos Aeropuertos xuquje’ rech Puestos Fronterizos (DIPAFRONT), e k’o ri III pwaq kuwach e especialista xuquje’ rech q’axaltzijolinem rech ri DIP xuquje’ e k’o ri VII Puq kuwach e especialista rech Seguridad turística DISETUR, pa le k’olib’al k’utb’al ub’anikilem rech ri Tijob’al rech Tijob’enik chi ke Oficiales rech Ajchajil Tinamit ri’ ESFOP.

Eri Nery Ramos, K’amal b’e rech ri PNC sib’alaj xumaltyoxij chi ke ri q’atb’altzij rech ri Ministerio rech Gobernación rumal ri tob’anik xya’taj chi ke ri jujun taq wokajil ajchajil tinamit ri’ xuquje’ ri tob’anik xya’tajik pa le kiq’atexik ri molaj b’anol taq k’ax kamisanik ri’.

COMPARTIR