Eri Amaq’ Iximulew tajin kuta’o ucholajil rech kya’ loq ub’ixik jas ri xk’ulmatajik rech xkamik ri laj ala pa k’ulb’a’t juyub’ ruk’ Belice

138

Eri k’amal b’e amaq’ Jimmy Morales ruk’ ri ukab’ k’amal b’e Jafeth Cabrera xuquje’ ruk’ ri Ministro rech Gobernación Francisco Rivas, xuya’ ub’ixik che xtaq ub’ixik che ri ajtz’ib’anel rech ri Organización rech Estados Americanos (OEA), Luis Almagro, rech qas kaya’ loq ub’ixik jas chech ri’ xkam ri alaj ak’al pa le k’ulb’a’t juyub’ amaq’ ruk’ Belice, ri xk’ulmataj kanoq pa le 20 rech ik’ abril pa we junab’ ri’.

Eri k’amal b’e amaq’, eri uya’ik ub’ixik loq pa le wujil xtaq loq man qast kub’ij chupam ri xk’ulmataj ri’, xa’rumal k’ut eri ch’ob’ow chomanik xb’an chi rij pa wokajil chomanik rumal ri Ministerio Público, rumal ri Instituto Nacional rech Ciencias Forenses (INACIF), rumal ri Grupo rech Apoyo Mutuo xuquje’ rumal ri Ministerio rech ri Defensa, kakib’ij che pa le wujil ub’ixik ri’ man k’ot chupam juntir ri xk’ulmataj chi rij uch’akul ub’aqil ri laj ala xkamik ri’.

Pa le wujil rech ub’ixik rech ri OEA, kub’ij wi eri winaq la’ e are xkipetisaj ri k’aqanik chi ke ri ajchajil amaq’ Beliceñas xuquje’ rumal ri’ eri amaq’ Iximulew rajawaxik kakita’o kuyub’al kimak chi rij le k’ax xkib’ano ri’, kcha’.

 

Swiffy Output
COMPARTIR