Eri Estados Unidos xunimarisaj ri komonchak chi rij ri ya’olchajinik ri’

182

Eri wokom k’amal b’e taqanem rech ri Estados Unidos xunimarisaj uwach jun wujil rech nuk’chomab’al ruk’ ri wokom taqanem rech Iximulew xuquje’ rech kuya’ ri US$12.5 millones rech ri kajib’ k’ak’ cholchak katajin chik ub’anik utz che pa upatanil ri’ rech riMinisterio rech Gobernación xuquje’ ri uq’ab’ pa taqawokajil ri’.

Eri nuk’chomanem rech tob’anik ri’ are xjuch’utajik pa le keb’ q’ij rech julio rech 2015 rech xta’ uchomaxik uwach ri cholchak rech ya’olchajinik chi kij narcóticos, rech kakojik ri Taqanik ri’, rech ya’olchajinik pa tinamit xuquje’ chi ke winaqilal ri’ xuquje’ rech pa le uk’exik uwach ri wokajil q’atb’altzij ri’, xuquje’ are wari’ xnimarisax uwach ri’ pa le 25 rech abril rech 2017, aretaq ri Cancilelr Carlos Raúl Morales xuquje’ ri Embajador rech ri Estados Unidos pa Iximulew, Tood Robinson, xkijuch’ uwach le jun wujil rech b’anow uch’ob’ik chomanik ri’.

Eri taqim ri’ are kanimarisax uwach ri komontob’anik chi rij uya’ik ri pwaqil rech ri wuqub’ uwach cholchak ri’ jacha’ ri q’atam chik uwach ri’ US$26 millones 334 mil, xuquje’ rech kakojik ri kajib’ k’ak’ cholchak che ri xya’taj le US$12 millones 550 mil pa le uchakuxik ri’, rech pa ronojel are xya’tajik ri US$38 millones 884 mil ri’, rech komontob’anik rech uya’ik uchuq’ab’ ri ya’olchajinik pa ronojel we amaq’ tinamit ri’.

Eri kajib’ k’ak’ cholchak ri’ are tob’atal uwach ri’ ruk’ ukomontob’anik rech ri Estados Unidos ri’:

Nab’e Cholchak ri’.

Ub’anik utzilem che ri Ajchajinel ri’ xuquje’ che ri Wokajil Ajchajil Tinamit: Eri cholchak are wokom ri’r ech ub’anik utz che ri upatanil ri Wokajil Ajchajil Tinamit, ri Wokajil Ajchajil K’utb’e rech Q’atb’altzij ri’, xuquje’ ruk’ nik’aj chik wokajil rech ri taqawokaj q’atb’altzij ri’. E k’o nik’aj chik taqawokajilal rech ri Ministerio rech Gobernación che ri kechakun chi rij uk’iyemal ri’ xuquje’ ri kakipatanij ya’olchajinik rech uq’atexik b’anow k’ax ri’ xuquje’ rech uya’ik utzilem chi ke winaqilal ri’.

Ukab’ Cholchak ri’.

Ya’olchajinik Puwi’ Plow xuquje’ pa Juyub’ Tinamit ri’: Eri Cholchak ri’ are kuchomaj xuquje’ kuwok uwach ri cholchak rech ub’anik utzilem che ri uchak patan ri Wokom K’amal b’e Taqawokaj rech Iximulew ri’ rech kachajinik xuquje’ rech kutzukuj puwi’ plow xuquje’ pa taq juyub’ tinamit wexa’ k’o narcóticos ri kqaj q’atb’atlzij chi rij xuquje’ nik’aj ub’anikil k’ayin jastaq ri’. Eri Wokom K’amal b’e Taqawokaj rech Estados Unidos katob’an ri’ che uno’jixik ri chak patan ri’, jeri’ chi ke ri wokajil ajchajinel tzukunelab’ ri’, rech ke’utijoj, rech ke’uto’o che ya’olchajinik tzukunik pa we amaq’ ri’ xuquje’ rech are kuya’o ri pwaqil rech tojb’al uchak patan ri cholchak ri’. Eri utaqim uwach rumal ri jun cholchak ri’ are kaq’atexik uwach ri narcóticos maj pa usaqilem ri’ xuquje’ ruk’ nik’aj uwach b’anow k’ax che tajin kab’an pa itzelal chi’ pa Iximulew ri’.

Urox Cholchak ri’.

Eri b’anow chak patan pa taq le wokajil Japache’: Eri cholchak ri’ are wokom ri’ rech kuya’o ilonem chak patan che ri Wokajil Japache’ ri’ rech Iximulew. Eri Wokom K’amal b’e rech Iximulew kukoj na ri Chomab’al Tinamit rech ri K’exnem Taqanik pa taq Japache’ 2014-2024. Are kato’ uwach ri jun cholchak ri’, eri Wokom K’amal b’e Taqawokaj rech Estados Unidos rech América katob’an ri’ che uya’ik ri ja k’olib’al kayak ri’, pa le b’anow tijob’enik, are kuya’o ri wokaj chakub’alil xuquje’ ri b’anow tijonem ri’, xuquje’ are katob’an che rilik ri rajawaxik kaya’tajil pa le japache’ tz’apib’al suk’umal kech ri e ajpache’ ri’, chi k’u ri’ kakoj wiri’ ri Chomab’al Tinamit rech Uk’exik uwach ri taqanik pa le wokajil Japache’ ri’.

Ukaj Cholchak ri’.

Uq’axik ri Meb’il esam ri’/Poq’san Pwaq Meb’il Maj pa Usaqil ri’/Uq’atexik ri poq’san Pwaqil man pa usaqil: Eri jun cholchak ri’ eri Taqawokaj rech ri Estados Unidos kuterenb’ej uto’ik uwach rech kaq’ansan uwach ri uchak upatan ri Organismo Judicial ri’, ri Corte Suprema rech Suk’umalil, rech ri Corte rech Constitucionalidad, ri Ministerio rech Público, ri Wokajil Ajchajil Tinamit, ri Ministerio rech Gobernación, ri Superintendencia rech Bancos, xuquje’ ri Secretaría Nacional rech Administración rech Meb’ilem che ri Esam ri’, rech kaq’atexik, rech katzukux uwach xuquje’ rech keterenb’exik ri poq’san pwaqil meb’il maj pa usaqil ri’, xuquje’ rech kaya’ pa saqil ri ub’anikil Taqanik chi rij Jastaq che ri Esam ri’, pa le uchak ri ajno’jinemal ri’, rech ya’b’al tob’anik ri’, rech b’anow tijonik ri’ xuquje’ rech chi rij ri chakub’alil ri’.

 

COMPARTIR